УКРАИНА ДА СИ ГО КОРИСТИ ОРУЖЈЕТО САМО НА СВОЈА ТЕРИТОРИЈА Италија е против напади длабоко во Русија

Италијанскиот министер за надворешни работи, Антонио Тајани, денеска во Брисел го потврди ставот на Италија за оружјето што ѝ се испорачува на Украина, а кое, рече тој, може да се користи „само на украинска територија“.

• БАЈДЕН ЌЕ ПОЧНЕ ТРЕТА СВЕТСКА ВОЈНА ПРЕД ДА ЗАМИНЕ Дали Киев доби „сребрен куршум“ против Кремљ?

– Нашиот став за употребата на оружјето на Украина не се менува, тоа може да се користи само на украинска територија – рече Тајани на маргините на состанокот на министрите за надворешни работи на ЕУ.

• НЕМА ФАЈДЕ ОД ЗАПИРАЊЕ СТРЕЛИ, КИЕВ ТРЕБА ДА ГИ НАПАДНЕ СТРЕЛЦИТЕ Борел се надева дека и ЕУ ќе ѝ дозволи на Украина да удри длабоко во Русија

Изјавата доаѓа откако Вашингтон ѝ дозволи на Украина да ја нападне руската територија со ракети со долг дострел доставени од САД, што е голема стратешка промена околу два месеца пред Доналд Трамп да ја преземе функцијата.

• УКРАИНА СЕКОЈ МОМЕНТ МОЖЕ ДА ЈА НАПАДНЕ РУСИЈА СО АМЕРИКАНСКИ РАКЕТИ Позната е и првата руска мета, а Европа веќе е во паника

Тие ракети, со максимален дострел од неколку стотици километри, би ѝ овозможиле на Украина да стигне до логистичките локации на руската армија и до аеродромите од кои полетуваат нејзините бомбардери.

Тајани се заложи „за мировна конференција во присуство на Русите, Кинезите, Индијците и на Бразилците“.

– Се надевам дека Пекинг може да одигра позитивна улога во тоа Москва да сфати дека оваа бесмислена војна мора да се прекине. Секако, присуството на севернокорејски војници не е добар сигнал – додаде Тајани.

ПРЕД НАС СЕ ЛОШИ ВРЕМИЊА Ким Јонг Ун ја повика војската да се подготви за војна