ГО ПОЧИТУВАМ ПРЕСПАНСКИОТ ДОГОВОР, АМА МОЈАТА ТАТКОВИНА СЕ ВИКА МАКЕДОНИЈА Мое право е како ќе ја нарекувам својата земја, порача Мицкоски
Не очекувам талибански однос, цензурирање на елементарно човеково право, а сѐ што е содржано во Преспанскиот договор и е дел од нашиот правен систем и уставен поредок идната влада на ВМРО-ДПМНЕ ќе го почитува, порача лидерот на ВМРО-ДПМНЕ и иден мандатар, Христијан Мицкоски.
Лидерот на ВМРО-ДПМНЕ Христијан Мицкоски и иден мандатар посочи дека негово човеково право е како ќе ја нарекува неговата татковина и не очекувал талибански однос и цензурирање на тоа право.
Можеби ќе ве интересира
Тој порача дека не им се лути на некои други политичари од други земји кои не го кажуваат целосното име на нивната држава и затоа во секоја изјава неговата татковина ќе ја нарекува Македонија.
– Не очекувам талибански однос, цензурирање на елементарно човеково право, а сѐ што е содржано во Преспанскиот договор и е дел од нашиот правен систем и уставен поредок идната влада на ВМРО-ДПМНЕ ќе го почитува. Предлог-законот што денеска го поднесуваме е со придавката. Но, мое човеково право, загарантирано со многу конвенции е правото на изразување и говор. Јас не им се лутам на политичарите кога не го кажуваат целото и потполно име на нивната држава, туку крајот или дел од тоа име. За мене, мојата татковина, во секоја моја изјава е Македонија и ќе остане Македонија – рече Мицкоски.