📷 ЌЕРКА МУ НА ТОМ КРУЗ ЌЕ ГИ ПРЕКИНЕ СИТЕ ВРСКИ СО НЕГО Скиентологијата е главната причина

Ќерката на актерот Том Круз, Сури Круз, официјално ќе ги прекине сите преостанати врски со него откако ќе наполни 18 години бидејќи двајцата ги минале последните неколку години одвоени еден од друг, објави порталот Дејли мејл.

Од разводот на Том Круз со Кејти Холмс во 2012 година, Сури поголемиот дел од животот го поминала со мајка си и не планира да се смири со својот татко.

Сури и нејзината мајка Кејти Холмс ги прекинаа сите врски со Том Круз поради неговата вера во скиентологијата, па бидејќи официјално ќе стане возрасна, спремна е да ги реши прашањата околу нејзината врска со татко ѝ. Официјалната врска на холивудската ѕвезда со неговата ќерка ќе заврши кога таа ќе наполни 18 години, што најпрвин значи престанок на алиментација во износ од 400.000 долари годишно.

Ќерката на Том Круз не планира да гради каква било врска со него. Иако Сури е неодлучна за нејзината понатамошна кариера, таа наводно е јасна во една работа: „Том не постои за неа“.

– Сури нема да има никаков контакт со нејзиниот татко и покрај тоа што има 18 години, а и да се јави, таа нема да одговори – изјавил извор за Дејли мејл.

Според изворот, тој не постои ни за Кејти ни за Сури и не сакаат за ништо да се потпираат на него.

Сури со текот на годините развила блиски односи со нејзината мајка и верува дека само таа ѝ е родител.

Сури имаше 6 години кога нејзините родители се разведоа и на Кејт Холмс ѝ беше доделено старателството над нејзината ќерка. На Том Круз му беа дадени права за чести посети бидејќи во договорот беше наведено дека мајката на Сури ќе се грижи за неа поголемиот дел од времето.

Во меѓувреме, неколку поранешни следбеници на Скиентолошката црква тврдат дека верата на холивудската ѕвезда не му дозволува да ја види Сури бидејќи таа не е скиентолог, но портпаролот на споменатата црква ова го окарактеризирал како „фикција“.