„НАЈМНОГУ МЕД, СЕКАКО ЌЕ ИЗЕДЕ ГЛАВНАТА МЕДАРКА, ДАНЕЛА“ Стоилковски посочува дека Арсовска си обезбеди полни раце мед со гласовите на Левица, ДУИ и СДС
Портпаролот на ВМРО-ДПМНЕ вели дека Арсовска со помош на СДС, ДУИ и Левица донесе буџет со којшто Арсовска ги укинува капиталните инвестиции, ги намали субвенциите, буџет со којшто парите можат да завршат во приватните џебови на пајташите на Арсовска.
СДС, ДУИ и Левица вчера ја почестија Данела Арсовска со гласање за буџет од 130 милиони евра, посочи портпаролот на ВМРО-ДПМНЕ Наум Стоилковски на прес-конференцијата која ја оддржа пред бараките на Град Скопје.
– На седница на Советот, амандманите на ВМРО-ДПМНЕ не беа прифатени, а СДС ги повлече амандманите, и здушно заедно го гласаа буџетот. ВМРО-ДПМНЕ не гласаше. Вчера беше донесен најпогубниот неразвоен буџет скроен по теркот и меракот токму на СДС, ДУИ и Левица, и со нивните гласови тој беше изгласaн во советот на Град Скопје – вели Стоилковски.
Тој истакна дека Арсовска со помош на СДС, ДУИ и Левица донесе буџет со којшто Арсовска ги укинува капиталните инвестиции, ги намали субвенциите, буџет со којшто парите можат да завршат во приватните џебови на пајташите на Арсовска.
– Медарката Арсовска си обезбеди полни раце мед со гласовите на Левица, ДУИ и СДС. Честито за коалицијата, жалење за новата загубена година – рече портпаролот на ВМРО-ДПМНЕ.