НЕМА ДА ВИ ПРОСТАМ ШТО Ѝ ВОВЕДОВТЕ САНКЦИИ НА МАЈКА МИ! Кадиров бесен им се закани на Американците и на НАТО

Откако мајката на озлогласениот чеченски лидер се најде на „црната листа“ на САД, Рамзан Кадиров упати директни закани до Американците и НАТО алијансата во најновото видео објавено на Телеграм.

Видеото на Твитер го сподели заменик министерот за внатрешни работи на Украина, Антон Герашченко.

„Отстранете ги брзо санкциите. Нема да ви простам што ѝ воведовте санкции на мајка ми. Ќе направам сѐ!“– наведува тој во снимката.

After Kadyrov’s mother appeared on the US sanctions lists, he moved on to direct threats:

“Well, this only unties our hands. If the States have legitimized such criminal methods for themselves, then we will not limit ourselves by any boundaries.
The first and second Chechen… pic.twitter.com/P7wamaWxCu

— Anton Gerashchenko (@Gerashchenko_en) August 31, 2023

Герашченко во објавата приложи и дополнителни закани од Кадиров.

„Ова само ни ги одврзува рацете. Ако државите сами си ги озаконија таквите криминални методи, тогаш нема да бидеме ограничени со никакви граници. Грузија, Украина – сето тоа се американски проекти во постсоветскиот простор, а да не зборуваме за други конфликти во светот покренати од измислени причини. А, ако американските криминалци некаде се извлекле, во Русија нема да им помине“ – се закани Кадиров.

Чеченскиот водач упатува закана до „НАТО-украинските банди“ и до, како што ја нарекува, „американската гнасотија“

„Нека уживаат во за нас безболните санкции. Ќе продолжиме да им го кршиме грбот на НАТО-украинските банди. Можеме да одиме дури и до Елба, како што некогаш направи Висаитов во војната против нацистите. На Стејт департментот му е премногу удобно да го турка украинскиот народ до смрт додека се крие зад мирна демократија. Неопходно е да се разбие оваа американска гнасотија“ – вели Кадиров во објавата споделена од Герашченко.