17 ДЕНА СЕ ТРАГАШЕ ВО ВОДИТЕ НА ВАРДАР Закачено на дрво е пронајдено безживотно тело на тетовец

Во водите на реката Вардар, во близина на месноста „Бриони“ и старото фудбалско игралиште, закачено на дрво денеска во 15 часот во СВР Тетово било пријавено дека е пронајдено безживотното тело на И.Р.(52) од тетовско Теново.

„Екипи од тетовската Територијална противпожарна единица и СВР Тетово попладнево го извлекле телото на брегот.Увидна екипа од СВР Тетово во координација со Јавен обвинител извршиле увид, а ќе се врши и обдукција“. соопштија од СВР Тетово.

52-годишниот маж на 6 август годинава бил пријавен дека претходниот ден се оддалечил од дома, додека оддалечувањето го пријавил неговиот 57-годишен брат, кој попладневно и го идентификувал починатиот.

Во потрагата беа вклучени 25 полициски службеници кои ги пребаруваа нивите, а и коритото покрај реката Вардар. Во трагањето по исчезнатиот маж се вклучија и двајца војници од Армијата со едно куче од армискиот Центар за обука и дресура за кучиња, кои го пребаруваа планинскиот дел на село Теново.