(ФОТО+ВИДЕО) ГРЦИЈА ДЕНЕСКА Е ВО ЕКСТРЕМЕН РИЗИК ПОРАДИ ПОЖАРИТЕ Борбата со огнената стихија на четири фронта, најтешка на Родос

Битката со пожарите во Грција продолжи денеска на четири главни фронта – на островите Родос, Крф и Евија и областа Дерванакија во Ахаја.

На Родос, противпожарните единици се обидуваат да ги локализираат активните пожари, а од утрово продолжува гаснењето од воздух.

Во моментов се ангажирани два авиони и три хеликоптери кои им помагаат на пожарникарите на копно, а нивниот број ќе се зголемува во текот на денот.

Во тоа подрачје дува силен ветер кој особено ја отежнува работата на копнените сили и создава нови пожари.

 

Más de 2,000 personas han sido evacuadas por los incendios que afectan la isla griega de Corfú, así como Rodas, Agios y Karistos.https://t.co/i5Rrxs5ogH

— NMás (@nmas) July 24, 2023

Се очекува најтешко да биде на Родос

Денешниот ден се очекува да биде особено тежок за Родос, бидејќи според картата за предвидување на ризик од пожар издадена од Генералниот секретаријат за цивилна заштита во Грција, островот е на највисока состојба на готовност – петти степен.

Жителите на населбите Генади, Вати, Масари, Малонас и Калатос вчера добија наредба да се евакуираат во безбеден правец, пренесува Катимерини.

Според сателитски снимки од вселенската програма на ЕУ Коперник, обемот на штетата од шумскиот пожар во Родос е огромен, со уништени повеќе од 140.000 хектари.

 

(Görüntüler Korfu’dan) Yunan medyasının bildirdiğine göre, Agios, Korfu, Karistos, Rodos ve Ilikis’te itfaiyecilerin yangınla mücadelesi gece boyu aralıksız sürdü ve vatandaşlara tehdit altındaki bölgelerde bulunan evlerden tahliye emri verildi. pic.twitter.com/U9F7nmCWZw

— Milena (@josephineVV5) July 24, 2023

Евакуирани жители на Платанистос

На Евија, во текот на ноќта во областа Каристос, беше испратено предупредување до жителите на Платанистос да се евакуираат во Каристос, а борбата против пожарите во источниот дел на островот продолжи.

Потрагата по фармерот кој исчезна во неделата продолжи, но засега не дава резултати.

Два авиони обезбедуваат воздушна поддршка на пожарникарите кои работат на копно во Каристос, додека други ќе бидат додадени во текот на денот.

Пожарот сѐ уште гори на Крф

Пожарот сѐ уште гори на Крф каде според противпожарната служба имало пожар во областа Палаја Перитија.

Во гаснењето на пожарот се ангажирани силни копнени сили и четири авиони и хеликоптер, а се очекува тие да бидат засилени и со други воздушни средства.

Малку подобрена е состојбата со пожарот во Дервенакија, Ахаја.

 

Thousands of residents and tourists have been forced to flee the Greek island of Rhodes as wildfires threaten populated areas.

Greece has faced its hottest July in 50 years after a blistering heatwave swept across Europe ⤵️

🔗: https://t.co/omdL6uxI9k pic.twitter.com/BJH70unBWO

— Al Jazeera English (@AJEnglish) July 24, 2023

За денеска се предвидува екстремен ризик од пожар

Во текот на ноќта во клисурата Вураикос имало повеќе разгореници, кои и покрај тешкотиите кои постојат поради непроодноста на просторот, биле локализирани од страна на противпожарната единица која била во подготвеност во текот на ноќта.

Според Картата за прогноза за опасност од пожар издадена од грчките власти, екстремен ризик од пожар – состојба на тревога (ризична категорија 5) се предвидува за регионот на Крит (Ретимно, Ираклион, регион Ласити) регионот на Јужен Егеј (регионот Родос), додека многу висок ризик од пожар (ризична категорија 4) се предвидува за неколку региони.

(ВИДЕО) БРЗОНОГИТЕ ЕЛЕНИ НЕ УСПЕАЛЕ ДА МУ ПОБЕГНАТ НА ОГНОТ Хорор слики од пожарите на Родос