МАНЧЕСТЕР СИТИ Е ЕВРОПСКИ ШАМПИОН Родри го урна Интер

Фудбалерите на Манчестер сити за првпат во историјата станаа шампиони на Европа, откако во финалето на Лигата на шампионите во Истанбул вечерва го совладаа Интер со резултат 1:0.

Тимот на Пеп Гвардиола на тој начин ја комплетираше „тројката“ оваа сезона, откако претходно го освои ФА Купот и Премиер лигата.

Победникот го реши Шпанецот Родри кој во 68. минута го постигна единствениот гол на натпреварот.

Манчестер сити без пораз ја завршува сезоната во елитното натпреварувања и стана шестиот англиски тим кој ја освоил Лигата на шампионите. Претходно на главниот европски турнир победи забележаа Манчестер јунајтед, Ливерпул, Нотингем Форест, Астон Вила и Челзи.

Интер остана на трите титули од минатото, а италијанските екипи без трофеј во евро-куповите за сезоната 2022/23 и покрај учествата во трите финалиња (Рома во Лига Европа, Фиорентина во Конференциската лига).