ЗАСТРАШУВАЧКИ БИЛАНС ОД ЗЕМЈОТРЕСОТ ВО ТУРКИЈЕ И СИРИЈА Досега од урнатините се извлечени 28.000 жртви
На терен се и голем број стручни лица кои ги проверуваат објектите и нивната сигурност. Во објектите кои се без оштетувања и кои се безбедни, по извршените проверки, на жителите ќе им биде дозволено да се вратат во своите домови.
Бројот на загинати во земјотресот во Туркије и Сирија се искачи на 28.000.
-Досега во Турција загинати се 24.617 лица. Се работи нанивна идентификација и погребување. Воедно стручните тимови и надлежните институции им пружаат психолошка поддршка на семејствата на жртвите, изјави вечерва турскиот потпретседател Фуат Откај.
Тој посочи дека е во тек евакуација на лицата кои ги загубија своите домови. Бесплатни авиолетови на Туркиш ерлајнс ги пренесуваат до своите роднини во други градови или во поставените засолништа.
На терен се и голем број стручни лица кои ги проверуваат објектите и нивната сигурност. Во објектите кои се без оштетувања и кои се безбедни, по извршените проверки, на жителите ќе им биде дозволено да се вратат во своите домови.
Во градовите погодени од земјотресот уапсено се 131 лице, а надлежните органи работат на овие случаи.
Претходно Гардијан објави дека во Сирија загинале 3.553 лица.