ГЕРМАНИЈА СЕ ПОДГОТВУВА ЗА „ПРИНУДНА ВОЈНА“ Генералот Зорн повикува на голем ремонт на војската

Германија силно се подготвува за војна, а генералот Еберхард Зорн ѝ нареди на армијата на земјата да се стави на воен готовс пред „егзистенцијалните“ закани, открива доверлив документ од 68 страници до кој дошол германскиот медиум Шпигел. Во документот насловен „Оперативни насоки за вооружените сили“, генералот повикува на целосен ремонт за војската.

Германскиот Бундесвер ја повика земјата да се подготви за претстојна војна со Русија, поради стравувањата дека војната во Украина ќе ескалира во глобален конфликт со НАТО. Руската инвазија на Европа е „поверојатна од кога било“ и Германија може да биде избришана од мапата во секој момент, предупредува објавениот извештај.

„Нападите врз Германија потенцијално би можеле да се случат без предупредување и со голема, можеби дури и егзистенцијална штета“, напишал генералот во документот.

Германските вооружени сили, познати како Бундесвер од февруари оваа година, имаат 183.638 активни членови и 949.000 резервен персонал . Тоа е малку во споредба со руската војска, која наводно вклучува околу еден милион активни војници и до два милиони резервисти.

Иако модерната германска војска е вклучена во странски конфликти како што е Авганистан, Зорн го повикува Бундесверот да се подготви „за принудна војна“ на своја територија. Тој предупреди дека војната во земја-членка на НАТО во Источна Европа „повторно станала веројатна“ и ја повика Германија да игра водечка улога во одбраната на континентот и да создаде „поробусна“ вооружена сила.

Ова би означило драстична промена во современата германска воена политика, која од крајот на Втората светска војна се фокусираше на одржување на мала армија, а на своја територија има странски воени бази.