САЕМ НА ЕЛЕКТРОМОБИЛИ ВО ИСТ ГЕЈТ МОЛ „Возиме на струја“ oд 12 до 16 октомври

Првиот саем на електромобили под мотото „Возиме на струја“ ќе се одржи во Ист гејт мол oд 12 до 16 октомври.

Сите љубители на автомобили и посетители на молот ќе може да ги погледнат изложените модели на електричен погон, како и хибриди, и да се зaпознаат со нивните предности за да се создаде подобра и поеколошка иднина. Електромобилите од брендовите на Tesla, Alfa Romeo, Fiat, Porsche, Citroen, MG Motors, Toyota, Volkswagen, Opel Corsa, Seres и Yoyo, ќе бидат изложени на различни места во центарот на приземјето.

Покрај електромобилите ќе бидат изложени и други типови електрични возила и превозни средства: електрични машини за чистење од Green machines, електрични велосипеди и електрични мопеди од All electrics, како и првото електрично „фиќо“ во земјава, иновација поддржана од Фондот за иновации и технолошки развој и BB Classic.

За време на саемот посетителите ќе можат да ги погледнат и полначите за електрични автомобили на Olympia motors.

Саемот на електромобили ќе биде отворен од 10 до 22 часот, паркингот е бесплатен, а имателите на автомобили ќе можат да добијат попусти и специјални понуди од Мотоцентар, Мега перална, Мега продавница за автоделови и Кар Бокс авто козметика.

Партнер на саемот е „Автоплус“, а целата манифестација е поддржана од покровителот Шпаркасе лизинг, партнерот НЛБ Банка АД Скопје, присутна е и ПроКредит Банка Македонија, кои ќе ги презентираат финансиските услуги за набавка на овој тип автомобили.

Една од стратешките определби на Ист гејт мол е заложбата за почист град, почиста животна средина и поеколошка иднина, кои ќе ги реализира и во иднина.