ГО ПОЛЕАЛА ЉУБОВНИКОТ СО БЕНЗИН И ГО ЗАПАЛИЛА! Кавадарчанката претходно го прободела партнерот со остар предмет
По вербална расправија настанала меѓусебна физичка пресметка, во која осомничената со остар предмет му нанела повреди на И.М., а потоа истурила запалива течност врз телото, го запалила и го напуштила местото, соопшти полицијата.
Во Кавадарци вчера е уапсена М.Б.(51) од Кавадарци, поради постоење основи на сомнение за сторено кривично дело „убиство” по чл. 123 од Кривичниот законик. Имено, на 06.09.2022 осомничената била во домот на И.М.(70) во Кавадарци, со кого била во љубовна врска, и по вербална расправија, настанала меѓусебна физичка пресметка, во која осомничената со остар предмет му нанела повреди на И.М., а потоа истурила запалива течност врз телото, го запалила и го напуштила местото, соопшти полицијата.
„По преземени мерки и активности по наредба од Основен суд Кавадарци извршени се претреси во домот на осомничената, при што се пронајдени и одземени предмети кои потекнуваат од кривичното дело, а при извршен службен разговор, таа делото го појаснила во целост. Од ОВР Кавадарци до Основното јавно обвинителство Кавадарци против М.Б. е поднесена кривична пријава, а од страна на судија од Основен суд Кавадарци одредена ѝ е мерка притвор во времетраење од 30 дена“ – соопшти МВР.