УКРАИНЦИТЕ БЕСНИ НА ЗЕЛЕНСКИ Знаел за војната, a еве зошто ја криел тајната пред народот

Признанието на украинскиот претседател дека знаел за предупредувањата на американските разузнавачи дека Русија се подготвува да ја нападне Украина, а не кажал, предизвика гнев кај Украинците, пишува РТ.

Имено, многумина во Украина збеснаа од признанието што Володимир Зеленски неделава го даде во интервју за „Вашингтон пост“, дека го жртвувал својот живот заради водење на економијата.

Пред тоа, оценува „Вашингтон пост“, тој беше беспрекорен национален херој за Украинците, но сега тоа признание „го пукна балонот“, предизвикувајќи каскада од критики во јавноста невидена од почетокот на војната.

Грешката на Зеленски беше што тој за американскиот весник призна дека пред избувнувањето на непријателствата со Русија, ја потценувал важноста на американските предупредувања за претстојниот напад поради страв дека Украинците масовно ќе ја напуштат земјата.

– Тоа да го соопштевме тогаш…па, од октомври минатата година ќе губев седум милијарди долари месечно – рече Зеленски во разговорот.

Зеленски исто така тврди дека тоа што не известил за војната ја спречило Русија да ја окупира Украина за три дена.

Излегува дека само неколку дена откако директорот на ЦИА му кажал дека САД имаат веродостојни информации дека Русија ќе ја нападне Украина, Зеленски им ветил на Украинците мирна година, наведувајќи дека луѓето ќе прават скара за време на мајските празници, како и секогаш.

Како што јави Раша тудеј, Украинците сега се лути на претседателот, кој, според нив, не верува дека неговиот народ може да ја поднесе вистината. Тие исто така сметаат дека ако Украина ги прифатила американските предупредувања ќе била подобро подготвена за претстојниот конфликт.

– Тој не сакаше да ја стави земјата на воен буџет бидејќи во основа се плашеше да не ја изгуби власта – вели украинскиот новинар Богдан Буткевич.