20 СЛУЧАИ НА МАЈМУНСКИ СИПАНИЦИ КАЈ ЈУЖНИОТ СОСЕД Се работи за мажи на просечна возраст од 40 години
Првиот случај на мајмунски сипаници во Грција беше регистриран на почетокот на јуни. На ниво на Европа, регистрирани се 10.604 случаи.
Во Грција потврдени се вкупно 20 случаи на мајмунски сипаници заклучно со 21 јули 2022 година, седум повеќе од минатата седмица, согласно неделниот извештај на Националната организација за јавно здравје (ЕОДИ), јави дописничката на МИА од Атина.
Потврдените случаи се мажи од 24 до 59 години, односно просечната возраст е 40 години, а 11 од заразените (55 отсто) пријавиле патување во странство во периодот на инкубација на болеста.
Можеби ќе ве интересира
Од ЕОДИ соопштија дека случаите веќе оздравеле или оздравуваат во генерално добра клиничка состојба.
Исто така додаваат дека во Европа, до 19 јули 2022 година, се регистрирани 10.604 случаи на мајмунски сипаници во 36 различни земји.
Првиот случај во Грција беше регистриран на почетокот на јуни.