ЗАСИЛЕНИ КОНТРОЛИ ПРЕД ПРАЗНИКОТ „Летале“ со над 70 километри на час повеќе од дозволеното
Министерството за внатрешни работи вчера спроведе засилена акциска контрола низ земјава за санкционирање на возила кои се движат со брзина поголема од дозволената, при што санкционирани се 168 возачи.
Од нив 11 возила се движеле со брзина над 50 километри на час повеќе од дозволеното, а три возила се движеле со дури над 70 километри на час. Притоа, 78 возачи ја пречекориле брзината во населено место, а 90 надвор од населено место.
Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта, велат од МВР.
Вчера на територија на град Скопје изречени се вкупно 120 мерки, меѓу кои за возење повеќе од дозволената брзина 37 санкции.
Можеби ќе ве интересира
Изречени се и 14 мерки за возење без возачка дозвола, пет санкции за возење под дејство на алкохол, три мерки за користење мобилен телефон, пет санкции за минување на затворен сигнал (црвено светло), три мерки за технички неисправни возила во јавниот превоз…