ПОВРЕДЕН ГРАЃАНИН СПАСЕН НАД МАЛОВИШТА Лицето е пренесено во болница

По телефонска дојава од дежурната служба на СВР Битола до Дирекцијата за заштита и спасување (ДЗС) на 31 октомври 2021 година е побарано спасување на повредено лице.

ДЗС, како што информираа оттаму, веднаш го мобилизирал Тимот за брз одговор за спасување од планина.

– Лицето беше пронајдено од другата страна на планината кон преспанскиот дел под манастирот „Свети Спас“ над селото Маловишта. Пружена му е прва помош и со санитетско носило е транспортирано во ургентното одделение при клиничката болница на Битола. Лицето е во стабилна состојба и не е во животно загрижувачка состојба – соопшти Дирекцијата за заштита и спасување.