Стопанска банка а.д. Битола ги додели наградите од „Вреди да се штеди“, автомобилот оди во Охрид

Наградите од наградната игра на Стопанска банка а.д. Битола „Вреди да се штеди“ беа доделени денеска во централата во Битола. Наградната игра траеше од 16.10.2020 година до 31.01.2021 година, извлекувањето беше на осми февруари, а главната награда беше автомобил Citroen C1. Среќниот  добитник на автомобилот, Зоран Вељаноски е од Охрид и новиот Citroen C1 заминува таму.

– Кога ја видов објавата за наградната игра на Стопанска банка а.д. Битола веднаш одлучив да ги орочам средствата согласно условите, за да си ја пробам среќата. Често од забава учествувам и играм игри на среќа, но ова дефинитивно е најголемата награда која што ја имам добиено до сега. Среќен сум и задоволен и знам дека сигурно ќе продолжам да учествувам во ваков тип игри на среќа, но и дека ќе останам клиент на Стопанска банка а.д. Битола – вели добитникот на главната награда Citroen C1, Зоран Вељаноски.

Покрај оваа награда, беа доделени и 2x MacBook Air 13’’ и 3x мобилни телефони iPhone 11.

Банката им честита на сите добитници и им посака да уживаат во наградите и да останат верни корисници на услугите на Стопанска банка а.д. Битола.