Пратеник во Чешка не носеше маска и сакаше да го тепа спикерот (ВИДЕО)

Се степаа пратениците во Чешка затоа што некои од нив не носеле заштитни маски на лицето. Додека парламентот расправал за поддршката на вонредните мерки поради пандемијата со ковид-19, независните пратеници Љубомори Волни и Марјан Бојко дошле на седницата без маски.

Откако зборуваше Бојко, а претседавачот со седницата Томаш Ханзел му рече на пратеникот дека треба да се срами и побара да стави маска на лицето, збор доби Волни.

За време на неговиот говор, независниот пратеник ја нарече партијата на Ханзел „корумпирана партија“, а претседавачот, откако еднаш го предупреди, му го исклучи микрофонот на пратеникот поради навредлив говор.

По ова, Волни тргна кон местото на претседавачот со намера да се обрати преку неговиот микрофон, а потегот се претвори прво во турканица, а потоа и во отворена физичка пресметка на Волни со други пратеници.