Милошоски за Димитров: Илјадници медицински сестри се изложени на ризик, а размазениот министер не сакал да дојде во Собрание за да не се заразел!?
Размазениот министер не сакал да го загрозува своето здравје, за да си ја работел работата. Колку лицемерно, кога се знае дека дел од неговата висока министерска плата, со личен шофер и службено возило ја зема за да работи, меѓу другото, и за давање отчет и пред пратениците, со присуство во Собранието, реагира на Фејсбук Антонио Милошоски, пратеник и претседател на Комисијата за надворешна политика на одговорот на вицепремиерот за европски прашања Никола Димитров зошто не присустувал на вчерашната седница на која бил поканет за да објасни пред пратениците и граѓаните што преговарал со Бугарија.
Можеби ќе ве интересира
„Додека илјадници медицински сестри си ја работат својата работа, изложени на ризик од кој се штитат, и така ја заработуваат својата скромна плата, размазениот министер ги потценува со оправдание дека не сакал да дојде да одговори на две прашања во Собранието. Срамота!
Додека илјадници касиерки во самопослуги, новинари, аптекари, келнери, заболекари и службеници се присутни на работа, изложени на ризик од кој се штитат, и така ја заработуваат својата плата, министерот кој зема пет пати повисока плата од нив, не можел да дојде до Собрание на еден час и да им објасни на пратениците што преговарал со Бугарија?!. Додека заменикот министер за финансии може 5 дена да седи со пратениците во Собранието и да го брани ребалансот на буџетот од кој ќерката на размазениот министер зема висока стипендија од 40.000 евра годишно, овој нежниот и своите колеги министри ги понижува со изговорот дека не сакал да дојде во Собрание да не се заразел. Но, порано или покасно, сите министри ќе дојдат во Собрание, па и најразмазениот.“, порачува Милошоски.