По трансплантацијата на бубрегот, Стиви Вондер се чувствува 30 години помлад

Познатиот пејач Стиви Вондер (70) минатата зима се подложи на трансплантација на бубрегот, а вели дека сега се чувствува како да има 40 години.

На прес-конференцијата што ја одржа по повод промоцијата на новите песни „Каде е нашата љубовна песна“ и „Не можам да ја ставам во рацете на судбината“, повеќекратниот добитник на наградата Греми рече дека неговата здравствена состојба, и покрај стравувањата што постоеле во текот на минатата година, брзо се подобрила.

„Сакам да ги известам сите дека сум благословен со нов бубрег“, напиша тогаш.

– Се чувствувам одлично. Мојот глас се чувствува одлично. Ѝ реков на ќерка ми Аиша дека ќе бидам како да сум помлад од неа. На 70 години, ќе бидам како да сум 40. Сакам да им се заблагодарам на сите за молитвите и љубовта – рекол Вондер.

Им се обратил на оние кои лани шпекулираа за неговото здравје.

– На сите оние кои ги слушаа овие гласини имам да им кажам дека ќе ги информирам ако се чувствувам поинаку. Не сакаме да имаме дезинформации. Жив сум и добро сум и се радувам што ќе можам да возам исправен автомобил – рекол Вондер.

Вондер ги откри своите здравствени проблеми пред јавноста на сцената на британскиот фестивал „Летно време“ во јули 2019 година.