Далип Јахја е нов директор на Oртопедија на местото на Камнар

За нов раководител на Клиниката за ортопедија при ТОАРИЛУЦ назначен е д-р Далип Јахја од ЈЗУ Универзитетската клиника за трауматологија, ортопедски болести, анестезија, реанимација и интензивно лекување и ургентен центар (ТОАРИЛУЦ), соопшти попладнево Министерството за здравство.

Досегашниот директор д-р Виктор Камнар утрово поднел оставка од функцијата од лични причини.Камнар раководеше со оваа установа повеќе од три години и за тоа време успеа на операционите сали да им даде нов лик, односно, по повеќе децении беше реновиран хируршкиот блок на ортопедија.