Твитер реакции за диносаурусите на Шилегов: „Метеорот може да нè удри!“

Скопскиот градоначалник Петре Шилегов вчера на Фејсбук се пофали со макетите на диносаурусите што ги купил за 325.000 евра и кои ќе бидат поставени во новиот Дино-парк во скопската Зоолошка градина.

Како што информираат од Зоолошката градина, посетителите веќе од средината на септември ќе можат да видат Тираносаурус, Алосаурус, Стегосаурус, големи и мали диносауруси, како и мајки со бебиња кои синхронизирано ќе се движат, ќе трепкаат со очите и ќе испуштаат крици со цел да се долови како опстојувале овие праисториски животни во минатото.

Но, ваквата инвестиција наиде на бурни реакции на социјалните мрежи, особено на Твитер. Едни се шегуваат, други критикуваат, трети…

Ви пренесуваме дел од најинтересните твитови:

Кога за вашето дете во болницата ќе нема игла, шприц или некој лек, сетете се дека Шилегов ќе даде 300 000 евра за парк на диносауруси….

— Ристо Разбираш (@luck15c) August 13, 2020

Уште Диносауруси ни фалеа
По еден да пуштат да не лапне. pic.twitter.com/j1W0slpoog

— СКИТНИКОТ (@Skitnikot7) August 13, 2020

Сите овие години кога паѓаше ѕвезда на небото посакував Диносауруси во Скопје.
*Бидете внимателни со желбите pic.twitter.com/SacMAyQRSY

— Марга (@NaTrampBratMu) August 12, 2020

Добивме и диносауруси. Сега се створени сите услови да не удри метеорот…

— ⚡zoranveli⚡🤘 (@zoranveli) August 12, 2020

Нема пари да ја реновира Универзална, има за големи играчки диносауруси. Не му давајте ракија бе

— Henry Chinaski (@Hank___Chinaski) August 11, 2020

Наместо Скопје 2014 🌇- Диносауруси 2020 🦖…

— Бик-от ♉💯 (@Bikot2) August 12, 2020

Ќе беше многу безвезе ако не земевме диносауруси, за да купиме амбулантни возила.

— Кинг Конг (@kingkongmkd) August 11, 2020

А у диносаурусите е бутнат Васиљ и рика.

— Мара Бунева (@PravednaTavita) August 12, 2020

На крај ќе испаднеме потомци на диносаурусите па ќе ни го бричат со зелено џамче 😉

— Trimceski (@Trim4e_1) August 12, 2020