Пропадна големиот проект за Њукасл – Арапите се повлекоа

Богатите шеици, на чело со саудискиот принц Мохамед бин Салман, се повлекоа од неколку причини.

Првата е неизвесност поради пандемијата на коронавирусот, а втората поради доцнењето на документацијата во Англија, иако беше постигнат договор Саудијците да го преземат клубот за 350 милиони евра.

Згора на сето тоа, Саудијците имаа проблеми со ТВ-преносот од Премиер лигата, односно беа обвинети за пиратерија по тоа прашање.

– За жал, долгиот процес во тековните околности, заедно со глобалната неизвесност, придонесе за истекување на трговскиот договор на двете страни. Како автономен и чисто комерцијален инвеститор, нашиот фокус беше на градење долгорочни вредности за клубот, навивачите и заедницата – се вели во соопштението на Саудијците.

И големиот проект беше претставен со мега-трансфери во текот на ова лето во форма на Лука Јовиќ, Герет Бејл, Филипе Кутињо…