Заев: Рејтингот ни порасна во пандемијата

Покажавме целосен капацитет да се справиме со здавствената криза, но и со економската, рече лидерот на СДСМ, Зоран Заев, на денешниот ТВ дуел заедно со лидерот на ВМРО-ДПМНЕ, Христијан Мицкоски.

– Граѓаните знаат дека ќе имаат влада која ќе продолжи да се грижи за нив, да им служи за секоја нивна потреба. Ним им треба сигурна опција и затоа нашиот рејтинг порасна во време на пандемијата, затоа што имаме исправни политики – рече Заев.

Сите ресурси ги обезбедивме за да функционира здравството, додаде претседателот на СДСМ.

– Имаме мотивиран болнички персонал. 40 отсто ги покачивме платите на специјалистите, 25 отсто на медицинските сестри, навреме набавивме респиратори, подготвивме болници, изградивме мобилна болница, набавивме опрема, имаме резервни болнички кревети, направивме план за работа за да им биде полесно и на здравсвениот персонал, оти не им е лесно. Лично како претседател на владата ќе предложам да ги награди со медал за храброст – остакна Заев.