Истепан инспектор, проверувал комбе со бугарски таблички

Надворешната канцеларија за криминалистички работи Делчево поднесе кривична пријава против Д.Г.(58) од село Звегор, делчевско, поради постоење основи на сомнение за сторени кривични дела „спречување на службено лице во вршење на службено дејствие“ и „тешка телесна повреда“.

– На 12.02.2020 на Граничен премин „Делчево“, Д.Р.(47) од Берово, вработен во Државен инспекторат за транспорт, додека вршел редовна контрола на патничко возило „комби”, со бугарски национални ознаки, управувано од пријавениот, истиот започнал расправија, а потоа физички го нападнал Д.Р., нанесувајќи му тешка телесна повреда – информира МВР.