9. МАЈ, ЕТЕ КОГА ПРЕГОВАРАВТЕ ЗА ВРАЌАЊЕ НА ГРУЕВСКИ! Меџити му го освежува сеќавањето на Пендаровски
Меџити тврди дека не е точно дека некој од опозицијата барал од претседателот Пендаровски да го помилува Груевски, туку тоа било направено по иницијатива на владејачките партии.
Во кабинетот на претседателот Стево Пендаровски се преговараше за враќање на поранешниот премиер Никола Груевски на 9 мај – денот кога се слави победата над фашизмот и Денот на Европа – изјави синоќа во емисија за ТВ Клан Изет Меџити, лидер на новоформираното „Демократско движење“ и поранешен функционер на ДУИ.
Меџити тврди дека не е точно дека некој од опозицијата барал од претседателот Пендаровски да го помилува Груевски, туку тоа било направено по иницијатива на владејачките партии.
Меџити нагласи дека тој и албанската опозиција имаат факти за тоа кој бил на средбата со Пендаровски за да преговара за враќање на Груевски, споменувајќи го и денот кога се случила оваа средба.
– Не треба многу тоа да го потврди претседателот на државата. Беше на Денот на Европа во неговиот кабинет. Така да, не зборуваме на памет – рече Меџити.