88 ГЕРМАНСКИ ТЕНКОВИ ЗА УКРАИНА Фирмата „Рајнметал“ планира да испорача и 100 оклопни транспортери
Освен тенковите, фирмата „Рајнметал“ побарала да испорача 100 оклопни транспортери „Мардер“, додека „Краус-Мафеј Вегман“ сака да испорача 100 самоодни хаубици со дострел од 40 километри.
Германскиот производител на оружје „Рајнметал“ понуди на Украина да ѝ продаде 88 половни борбени тенкови „Леопард“. Понудата вклучува и обука во Германија, резервни делови и муниција, јави ДПА.
Како што е наведено, минатата недела било поднесено барање до Министерството за економски прашања за да се одобри набавката.
Можеби ќе ве интересира
Германската влада доби уште едно барање од „Рајнметал“ – за испорака на 100 оклопни транспортери „Мардер“ за Украина. Владиниот портпарол Штефен Хебешрајт изјави дека одлуката ќе биде донесена наскоро.
Весникот „Велт“ пишува дека „Краус-Мафеј Вегман“ сака да испорача 100 самоодни хаубици способни да погодат цели на 40 километри.