700.000 ПАЛЕСТИНЦИ СЕ ВРАТИЛЕ ВО ГАЗА Се веат знамиња и се слушаат повици за мир
Првата фаза на прекинот на огнот донесе надеж во Газа — повеќе од 700.000 лица се враќаат во градот, додека снимките покажуваат емоционални сцени на повторно обединување и радост.
Повеќе од 700.000 лица се вратиле во градот Газа откако првата фаза на прекинот на огнот стапи во сила, соопшти Агенцијата за цивилна заштита на Газа, која е под контрола на Хамас.
– Повеќе од половина милион лица се вратиле во Газа Сити од вчера – изјави Махмуд Басал, портпарол на цивилната одбрана, службата за спасување која работи под надлежност на Хамас.
Можеби ќе ве интересира
На снимки објавени од светските медиуми се гледаат Палестинци кои се враќаат во градот Газа, многумина од нив веејќи палестински и египетски знамиња и прегрнувајќи се со блиските по долги месеци разделба.
Прекинот на огнот е дел од првата фаза на договор меѓу Израел и Хамас, кој предвидува постепено враќање на цивилите и испорака на хуманитарна помош во разурнатиот појас.