7 ЛИЦА ПАДНАА ЗА МАРИХУАНА И ЗА КОКАИН Засилени полициски контроли врз угостителски објекти во Скопје
Кај 7 лица се пронајдени марихуана и кокаин и тие се лишени од слобода, а против нив ќе бидат поднесени соодветни пријави.
Во периодот од 23.00 часот на 08.04.2022 до 03.30 часот на 09.04.2022 полициски службеници од Единицата за недозволена трговија со дрога и единицата за интервентна полиција при СВР Скопје извршиле контроли во повеќе угостителски објекти и прегледи на повеќе лица и патнички возила. Притоа, кај 7 лица од Скопје биле пронајдени марихуана и кокаин, се вели во соопштението од МВР.
„Кај В.З.(34) била пронајдена бела прашкаста материја, кај Б.Ј.(28) била пронајдена бела прашкаста материја, кај М.З.(37) била пронајдена бела прашкаста материја и марихуана, кај А.Б.(25) била пронајдена марихуана, кај Н.Ќ.(23) марихуана, кај М.П.(42) кокаин и кај Т.Д.(20) била пронајдена марихуана“, велат од МВР.
Во соопштението се додава дека лицата биле лишени од слобода и по целосно документирање на случаите против нив ќе бидат поднесени соодветни пријави.