50 ОТСТО ПОВЕЌЕ ОДОБРЕНИЈА ЗА ГРАДЕЊЕ „Солени“ цени на зградите во резиденцијалниот комплекс во Гази Баба
Предвидената вредност на сите објектите за кои се дадени одобренија за градење во земјата ќе изнесува 6,25 милијарди денари што е за 96,9 отсто повеќе во однос на минатата година.
Во август се издадени 276 одобренија за градба што е за 50 отсто повеќе во споредба со истиот месец лани, објави денеска Државниот завод за статистика.
Предвидената вредност на објектите е 6,25 милијарди денари што е за 96,9 отсто повеќе во однос на минатата година.
– Зголемената предвидена вредност се должи на фактот дека во референтниот месец се издадени одобренија за градење на објекти од високоградба со поголеми вредности, конкретно резиденцијални објекти за домување во Општина Гази Баба – појаснуваат од Државниот завод за статистика.
Најголем дел од издадените одобренија или 147 се наменети за објекти од високоградба, 47 се за објекти од нискоградба и 80 одобренија се за реконструкција на објекти.
Кај 158 објекти како инвеститори се јавуваат физички лица, а кај 118 инвеститори се компании.
Во овој период предвидена е изградба на 1.582 стана со вкупна корисна површина од 110.541 м2.