50 МИЛИОНИ ЕВРА ЗА ПОДОБРИ УСЛОВИ ЗА УЧЕЊЕ За студентскиот стандард 30 милиони евра во буџетот за 2025 година
Капиталните инвестиции ќе се зголемат за 115 милиони денари, споредено со 2024 година, а парите ќе бидат наменети за изградба и за обнова на училишта, обезбедување на подобри услови за учениците и за модернизација на образовната инфраструктура, соопшти ВМРО-ДПМНЕ.
Предлог Буџетот за 2025 година е развоен во делот на младите и образованието и е насочен да се подобрат условите за учење, студирање и живот на младите. За оваа цел, се предвидуваат три милијарди денари (околу 50 илиони евра) повеќе во Буџетот за образование, соопшто ВМРО-ДПМНЕ.
„Владата предводена од ВМРО-ДПМНЕ го зголемува студентскиот стандард со повеќе од 30 милиони евра, односно, за 18% повеќе од лани. За ученичкиот стандард, Владата предвидува зголемување од 12% споредбено со минатиот буџет. За енергетски ефикасна рехабилитација се издвоени шест милиони евра. Се работи на реконструкција на студентските домови, за кои се очекува да бидат ставени во функција следната година. Образовните работници ќе добијат покачување на платите во март од 7%. Платите ќе продолжат да растат и во следните години од мандатот, ќе се зголемат за 46%“, соопшти партијата.
Во однос на 2024 година, капиталните инвестиции ќе се зголемат за 115 милиони денари, се додава цо соопштението. Парите ќе бидат насочени за изградба и обнова на училишта, обезбедување на подобри услови за нашите ученици и модернизација на образовната инфраструктура.