305 од новите болни имаат коморбидитети, смртноста пораснала за 58,1% во однос на минатата недела

Од плусинфо Објавено 20/10/2020 11:46:39

Регистрирани се заболени лица во сите возрасни групи во минатата недела. Најзастапена е возрасната група на лица на возраст 30-39 (n=559, 20,9%). Голем број заболени се регистрира и кај лицата во возрасните групи од 40-49 (n=522; 19,5%), 20-29 (n=470; 17,6%), над 60 (n=469; 17,5%) и 50-59 (n=443; 16,6%). Најмал број е регистриран кај децата од 0-9 (n=79; 3,0%) и 10-19 години (n=134; 5,0%), се наведува во неделниот извештај на Институтот за јавно здравје кој се однесува на периодот од 12 до 18 октомври 2020.

Тестирани се вкупно 13.213 материјали во лабораториите во кои се спроведува молекуларно тестирање за присуство на SARS-CoV-2. Регистрирани сe 2.676 нови позитивни случаи од 34 градови во државата со зголемување од 19,3% во однос на минатата недела. Најголем дел од регистрираните случаи се од Скопје (n=1.375; 51,4%), а највисока неделна инциденца е регистрирана во Гевгелија 228,3/100.000.

Во наведениот период, процентот на позитивни од тестирани лица изнесува 20,3%.

Од случаите кои се епидемиолошки истражени (n=1.313; 49,1%), регистрирани се 96 (7,3%) хоспитализирани, а кај 305 (23,3%) лица е регистрирано присуство на коморбидитети. Од вкупниот број нови случаи, 470 (35,9%) имаат контакт со потврден случај. Регистрирани се 26 (2,0%) лица со историја на патување во последните 14 дена.

Можеби ќе ве интересира

МАКЕДОНИЈА ОСВОИ УШТЕ ЕДЕН НЕСЛАВЕН РЕКОРД Има највисока…

МИА 12/01/2025

КОРОНАТА Е ПРОГЛАСЕНА ЗА „УМРЕНО“? Смртноста од ковид-19 е…

МИА 27/04/2023

По добиени 2 негативни теста за присуство на SARS-CoV-2 или со употреба на новиот алгоритам, како оздравени се водат 1.089 лица кои биле хоспитализирани или на домашно лекување, 25% повеќе во однос на минатата недела.

Пријавени се 49 смртни случаи од 16 градови, зголемување од 58,1% во однос на минатата недела. Во однос на возраста, 38 лица биле над 60 години, 9 лица на возраст од 50-59 години и 2 смртни случаи се пријавени од возрасната група 40-49 години. Коморбидитети се регистрирани кај 35 починати лица.

Деталниот извештај на Институтот за јавно здравје за Состојбата со ковид-19 за периодот од 12-18.10.2020, како и кумулативната состојба со ковид-19 во Република Северна Македонија се објавени на веб страницата на Институтот за јавно здравје http://iph.mk/