📷 24-ГОДИШЕН ФУДБАЛЕР ПОЧИНА НА ТЕРЕН Трагичен настан во боливискиот клуб Реал Санта Круз
Клубот соопшти дека Гиљермо Денис Белтран починал од респираторна инсуфициенција, неговите соиграчи рекоа дека Белтран почувствувал мачнина и набргу потоа паднал на земја.
24-годишниот колумбиски фудбалер Гиљермо Денис Белтран почина за време на тренинг на неговиот клуб Реал Санта Круз од Боливија.
Клубот соопшти дека Белтран починал од респираторна инсуфициенција. По трагичниот настан неговите соиграчи рекоа дека Белтран почувствувал мачнина и набргу потоа паднал на земја. Клупските лекари повикале брза помош, која се обидела да го реанимира, но безуспешно.
-Тренираше како и обично, а потоа колабираше. Се обидоа да го реанимираат, но тој почина додека беше префрлен во болница – изјави менаџерот на Санта Круз, Адолфо Сорија Галваро.
Претседателот на Фудбалската федерација на Боливија, Фернандо Коста изрази сочувство до семејството и рече дека ќе го поддржи клубот и семејството на починатиот фудбалер.
LUTO EN EL FÚTBOL BOLIVIANO
El futbolista Denis Beltrán falleció en el entrenamiento de Real Santa Cruz, luego de desvanecerse. Pese a los intentos de reanimación, el jugador no pudo más.
Triste noticia. pic.twitter.com/sYvUyWD8FB
— Erwin Quispe Perca (@ErwinQuispePerk) March 22, 2024