2.000 ЛУЃЕ ВО ИЗРАЕЛ ОСТАНАА БЕЗ ПОКРИВ НАД ГЛАВА Иранските ракетни напади уништија згради и училишта

Околу 2.000 луѓе во Израел останаа без покрив над главата, барем привремено, по ракетните напади на Иран врз централниот дел од земјата и врз северниот град Хаифа, покажуваат официјалните податоци.

• САД РАСПОРЕДУВААТ ОРУЖЈЕ НА БЛИСКИОТ ИСТОК, ТЕНЗИИТЕ РАСТАТ Не се знае каква воена опрема е пратена во регионот

По нападите вчера изутрина, во градот Петах Тиква загинаа 4 лица при напад врз станбена зграда, а околу 1.300 лица од 400 семејства беа принудени да се евакуираат.

Околу 300 луѓе во Тел Авив останаа без домови откако ракетите погодија 2 дела на градот, предизвикувајќи голема материјална штета, објави Тајмс оф Израел.

• АМЕРИКАНЦИТЕ НЕ МОЖАТ ДА ГО НАПУШТАТ ИЗРАЕЛ Амбасадата на САД во Ерусалим не е во можност да ги евакуира американските државјани

Стотици жители беа евакуирани и од Бнеј Брак, каде што ракета погоди училиште во станбен кварт, при што беше предизвикана значителна штета, а загина едно лице.

• „НИ СЕ ПРУЖИ МОЖНОСТ“ Израел го уби човекот кој е најблизок до врховниот водач на Иран

Градските власти во Тел Авив соопштија дека погодените биле сместени во хотели, додека во Хаифа се евакуирани 60 лица поради штети на нивните домови.

• „ЦЕЛОСНА НАДМОЌ ВО НЕБОТО НАД ТЕХЕРАН“ Израел тврди дека уништил третина од иранските лансери за ракети

Сличен број лица морале да ги напуштат домовите во Рамат Ган, Бат Јам, Тамра, во Реховот и на други места како резултат на иранските напади во саботата и во неделата.

МОЌНИ ЕКСПЛОЗИИ ОДЕКНАА ВО ЕРУСАЛИМ И ВО ТЕЛ АВИВ Иран испука ракети, сирени се огласиле во Израел