10 МИЛИОНИ ЗА ГЛАВИТЕ НА MOЏТАБА И ЛУЃЕТО ОКОЛУ НЕГО Лицето што ќе даде информации на САД може да добие заштита и преселба
Стејт департментот бара информации за врвни функционери на иранската власт и Револуционерната гарда, нудејќи висока награда и можност за безбедно преселување за лицата што ќе достават информации.
Програмата „Награди за правда“ (Rewards for Justice) на Стејт департментот на САД повика на информации за „иранските терористички лидери“, вклучувајќи го и Моџтаба Хамнеи.
Стејт департментот одреди награда до 10 милиони долари и соопшти дека информациите би можеле да им овозможат на луѓето да бидат подобни за „преселба“.
„Овие поединци командуваат и управуваат со различни елементи на Иранската револуционерна гарда (IRGC), која планира, организира и спроведува тероризам низ целиот свет“, се наведува во објавата.
Функционерите за кои САД бараат информации ги вклучуваат министерот за разузнавање Есмаил Хатиб, заменик-началникот на кабинетот Али Асгар Хеџази, Генерал-мајор Јахја Рахим Сафави, бригадниот генерал Ескандар Момени и секретарот на Врховниот совет Али Лариџани.
Претходно денеска, Лариџани се приклучи на протестите за Денот на Ал-Кудс во Техеран и објави фотографии од своето учество.