1 МИЛИОН ДЕНАРИ ЗА НОВИ МЕДИЦИНСКИ АПАРАТИ Донација од dm за гинеколошкиот оддел на Онкологија

Со цел давање придонес во подобрување на условите при третманот и грижата за женското здравје, во март – месецот посветен на жената, компанијата dm дрогерие маркт донираше повеќе од 1 милион денари во медицинска опрема и апарати за подобрување на условите за работа во гинеколошкиот оддел при ЈЗУ Универзитетска клиника за радиотерапија и онкологија во Скопје.

Компанијата dm дрогерие маркт, која важи за голем поддржувач на заедницата, со набавка на два гинеколошки прегледни стола, две столчиња за преглед и стерилизатор за медицинска опрема уште еднаш ја докажа својата посветеност кон создавање на подобри услови за грижа и одржување на женското здравје.

Изминатата година dm донираше повеќе од 1,6 милиони денари во 5 гинеколошко-акушерски клиники низ земјава. Преку овие донации компанијата обезбеди поддршка за родилките, а оваа помош значеше и подобрени услови и за новороденчињата.

– Како општествено одговорна компанија инвестираме во заедницата во којашто делуваме, трудејќи се да опфатиме широк круг на институции и здруженија. На овој план, годинава ја отпочнуваме со донација во гинеколошкиот оддел, по повод март, месецот на жената. Ова е од особено значење за нас бидејќи како компанија сме најисполнети кога даваме придонес во подобрувањето на животот во нашата заедница. Општествениот ангажман и одговорноста се секогаш врвни приоритети на нашата компанија – изјавија од компнијата.

Компанијата dm дрогерие маркт кај широката јавност е позната како компанија што е заснована и којашто целосно се придржува до принципите на општествена одговорност. Изминатата деценија, преку најразлични активности и проекти компанијата потврди дека постојано црпи инспирација од заедницата во којашто работи и токму затоа помага во нејзиниот континуиран развој. Само во деловната 2021/22 година, dm дрогерие маркт донираше рекордни 5,3 милиони денари во општествено-корисни проекти од најразлични области.