1.200 ПРОЕКТИ НА ОПШТИНИТЕ ДОБИЈА ПАРИ ОД ВЛАДАТА Перински очекува тоа да бидат поттик за новите градоначалници

Владата финансираше околу 1.200 проекти од различни области во сите општини низ Македонија, изјави Златко Перински, министер за локална самоуправа на настанот Саем-Отчет, 4 години работа за тебе стои во

-На првиот повик од минатата година се пријавија  општините за 288 проекти, од кои 137 се завршени. На вториот повик  имаше 887 апликации, а беа прифатени точно 828 проекти.  Кумулативно тоа се околу 1.200 проекти кои се реализираат со помош на централната власт – рече Перински.

Според Перински градоначалниците имале многу предизвици, а немале никаква поддршка од претходната влада.

– Ние им помогнавме да ги детектираат предизвиците и да им понудиме одржливост и да им помогнеме во изведба на поголеми проекти бидејќи сите располагаат со различни потенцијали – рече Перински.

Тој  е задоволен од постигнувањата на општините.

– Секој се бори да направи што е можно повеќе и се надевам по изборите ќе бидат дополнително помотивирани да работат за граѓаните – рече Перински.