ЗОШТО СЕ ВО ПОРАСТ ХИВ ИНФЕКЦИИТЕ КАЈ ДЕВОЈЧИЊАТА? Само во 2022 година, 99.000 смртни случаи се поврзани со СИДА
Светската здравствена организација (СЗО) проценува дека без подобар пристап, 50% од децата со ХИВ нема да преживеат две години
Во неодамнешниот глобален преглед кој го спровел УНИЦЕФ забележано е дека иако вкупната инциденца на ХИВ во светот е намалена, кризата опстојува меѓу адолесцентните девојчиња и децата во различни региони.
Само во 2022 година, 99.000 смртни случаи се припишуваат на причини поврзани со СИДА или стадиум 3 на ХИВ, при што најпогодени се Источна и Јужна Африка, а потоа следат Западна и Централна Африка, Источна Азија и Пацификот, Латинска Америка и Карибите и Јужна Азија.
Извештајот нагласува значителен диспаритет во пристапот до третман за ХИВ за децата во споредба со возрасните во погодените области.
И покрај тоа што сочинуваат само 7% од оние кои живеат со СИДА, луѓето на возраст од 0-19 години се одговорни за 15% од сите смртни случаи од оваа болест.
Недоволната достапност на антиретровирусни лекови соодветни на возраста и предизвиците во дијагностичките процеси дополнително ги попречуваат напорите за справување со кризата, особено во земјите со низок и среден приход.
Повеќе за ова на „Мајка и дете“.