📽️ ЗОШТО РОЛЕТНИТЕ ТРЕБА БИДАТ КРЕНАТИ КОГА АВИОНОТ ПОЛЕТУВА? Правилото уште важи во некои авиокомпании во САД

За време на полетувањето и слетувањето на патнички авион во САД, стјуардесите ги замолуваат патниците да ги подигнат ролетните на прозорците. Зошто е тоа така?

Причините се поврзани со безбедноста на патниците, појасни „Лад-бајбл“ (LadBible). Стјуардесата Шер говори за тоа правило на својот профил на Тик-Ток.

@itsyanachka Did you know that flight attendants aren’t actually trying to be annoying when they ask you to put your window shade up for takeoff and landing? 😅 It’s actually for safety! In case of emergency, we have to see if there’s any water, fire, or debris outside before evacuating ✈️ #FlightSafety #TravelTips #FlightAttendant #FlightAttendantTips #SafetyFirst ♬ Assumptions (slowed down version) – Sam Gellaitry

– Постојат неколку американски авиокомпании коишто сè уште го бараат тоа. Ве замолуваат да ги подигнете ролетните за време на возењето по пистата, полетувањето и слетувањето. Ако некогаш сте морале да го направите тоа и сте се запрашале зошто, само погледнете ги сите вести за делови од авиони што паѓаат или мотори што се запалуваат… Кога ќе размислите каде седат стјуардесите и пилотите, тие немаат јасен поглед, на пример, на крилата. Не може да го видиме целиот авион од нашите седишта. Авиокомпаниите што бараат од вас да ги подигнете ролетните за прозорци сакаат да бидат сигурни дека ако нешто падне, изгори или е оштетено, патникот може да го види и веднаш да ги извести другите членови на екипажот – објасни таа.

Стјуардесата нагласува дека екипажот не сака да ги нервира патниците со своите барања, туку само сака да ги заштити. Со отворени прозорци, во случај на непредвидена и несакана состојба, стјуардесите ќе можат брзо да ги проценат надворешните услови.