ЗАБРАНЕТО ЗА ПОМЛАДИ ОД 18 ГОДИНИ Унгарија забрани посета на изложбата „Ворлд прес фото“ поради фотографии со ЛГБТ содржина

Лица помлади од 18 години не смеат да ја посетат овогодинешата излжба  на „Ворлд прес фото“ (World Press Photo) во Будимпешта, дури ни со согласност на нивните родители, бидејќи некои од изложените фотографии биле со недозволена ЛГБТ содржина. Унгарската влада ја изрече забраната за престижната светска изложба со образложение дека дел од фотографиите е прекршен Законот кој ограничува прикажување на ЛГБТ содржина на малолетници.

Престижната светска изложба на најдобрите фотографии од фоторепортери од целиот свет е поставена во Националниот музеј на Унгарија и годишно ја гледаат повеќе од четири милиони луѓе од целиот свет. Основната мисија на оваа изложба на Ворлд прес фото е визуелно да се претстават важни светски настани.

Според унгарските власти, на овогодинешната изложба спорни се петте фотографии на филипинската фоторепортерка Хана Рејес Моралес со ЛГБТ содржина. Унгарски пратеник поднесе жалба до Министерството за култура, кое утврдило дека тие го прекршуваат Законот со кој се забранува прикажување на ЛГБТ содржини на малолетници.