📽 ВУЧИЌ СЕ СООЧУВА СО НАЈГОЛЕМИОТ УДАР ОД ОПОЗИЦИЈАТА ДОСЕГА Ќе ги преживее ли протестите?
Говорејќи за „ослободувањето од долгорочните ограничувања на стравот“, професорот на Филозофскиот факултет во Белград, Огњен Радоњиќ, за Нова изјави дека очигледно „играта се завртила“...
Повеќе од 100.000 српски граѓани се собраа на плоштадот „Славија“ во неделата попладне. На повикот на учениците речиси како војници се одзваа нивните родители, наставници и професори, земјоделци, актери, спортисти…
Фотографии од овој невиден собир се појавија на профилите на многу познати имиња кои досега упорно одбиваа јавно да го кажат своето мислење. На роденденската прослава на детскиот хор „Чаролија“ во Сава Центар во ист ден и речиси во исто време беа исвиркани министерот за внатрешни работи, Ивица Дачиќ, и министерката за екологија, Ирена Вујовиќ. Од доаѓањето на Српската напредна партија, вакво нешто не се случило, се вели во анализата на порталот Нова.
Кој бил на „Славија“ во неделата во 16 часот, понел со себе три впечатоци, се вели во спечатоците споделени од Нова.
Првиот впечаотк бил погледот од плоштадот. Од правец на фонтаната, каде и да се погледнело, во правец на која било од седумте улици од кои течела реката луѓе, не се гледал крајот.
#Tišina. Slavija 22.12.2024 #RukeSuVamKrvave pic.twitter.com/cmwTmtSBkW
— Irregular Srb (@IrregularSrb) December 22, 2024
Друг впечаток е организираноста на учениците. Двапати се обиделе да се подготват за 16 минути тишина. Опремени само со мегафони, на крајот од Белградска или Немањина, на булеварот Ослобоѓења или на улицата Краља Милана како да не постоел трик што ќе допре до луѓето.
„А потоа почнаа да извикуваат ‘Пет и пол – тишина’ и пораката се рашири низ толпата до каде што требаше да биде“, споделува Нова.
Свирежите престанале, вувузелите замолкнале, извиците престанале. И тоа е трет и воедно најсилен впечаток. Следувала заглушувачка тишина.
Наместо громогласните аплаузи на кои бил навикнат во претходните децении, се вели во статијата на Нова, Ивица Дачиќ добил свирежи. Истото ѝ се случило на неговата колешка од Министерството за заштита на животната средина – Ирена Вујовиќ.
Поддршка од актери, спортисти, дури и од РТС
На протестот во „Славија“ со овации бил пречекан поранешниот кошаркар Дејан Бодирога. Тука била и легендата на Партизан, Саша Илиќ. Фотографија од настанот споделил и капитенот на српската кошаркарска репрезентација Богдан Богдановиќ, а покрај него и други репрезентативци меѓу кои Алекса Аврамовиќ, Марко Гудуриќ, Никола Јовиќ…
Претходните денови на студентите им дадоа поддршка Новак Ѓоковиќ, Немања Видиќ, Мирослав Бериќ, Владимир Штимац, Игор Бутулија, Тина Крајишник, Ана Милиќевиќ… Порака за поддршка до учениците упати и прославената спортистка Ивана Шпановиќ.
Ivana Španović podržala studente pic.twitter.com/CDAxVbTxbp
— larakorft (@larakorft1) December 22, 2024
Големо изненадување дошло и од РТС, особено ако се земе предвид дека студентите барале јавниот сервис да почне со објективно известување. Новинарката, авторка и уредничка на РТС, Оливера Ковачевиќ, на социјалните мрежи сподели фотографија од протестот на „Славија“.
Претходно поддршка на протестите даде и водителот Јован Мемедовиќ, кој сподели видео од протестот.
– Ова видео има тон – тишина – напиша водителот.
Во неделата во Славија беа и голем број актери и режисери.
Таму беа Тихомир Станиќ, Гордан Кичиќ, Милан Цаци Михајловиќ, Небојша Циле Илиќ, Милица Краљ, Весна Тривалиќ, Јелена Ступљанин, Тихана Лазовиќ, Бранислав Трифуновиќ и многу други.
„Окови се кршат“
Говорејќи за „ослободувањето од долгорочните ограничувања на стравот“, професорот на Филозофскиот факултет во Белград, Огњен Радоњиќ, за Нова изјави дека очигледно „играта се завртила“.
– Познато е дека диктатурите опстојуваат не благодарение на некои извонредни квалитети на диктаторот, туку поради апатијата и стравот што го сеат. Во 21 век, играта малку се сврте и стравот станува сѐ помалку важен. Корупцијата и апатијата се клучни – вели Радоњиќ.
Тој смета дека бунтот на младите, студентите, јасно дава резултати и дека „оковите се кршат“.
– Апатијата се продлабочува преку пропаганда, кога, на пример, опозиционерите се обвинети за корупција и за кражби. Целта на оваа стратегија не е само лично да дисквалификува конкретен опозиционер, туку и да ни сугерира дека сите се исти, дека не вреди да се бориме и дека ништо не може да се смени. Според мене, бунтот на младите луѓе, кои се свртеа кон корумпираните институции, притоа целосно игнорирајќи го претседателот, дава резултати – вели Радоњиќ.
Лицата, кои се олицетворение на криминалот и корупцијата, не се релевантни, потенцира тој, но она што е релевантно се корумпираните институции кои се во сопственост на граѓаните и се свртеа против граѓаните.
– Бидејќи оваа стратегија ја дестабилизираше владата, оковите се кршат со помалку страв и многу повеќе апатија. Затоа, клучот за рушење на диктатурата е широката мобилизација на различни општествени групи преку разбивање на апатијата, а студентите тоа барем засега го прават многу успешно – додава професорот.
Александар Вучиќ тврди дека ја сака татковината и дека не се повлекува
Претседателот на Србија, Александар Вучиќ, претходно појасни дека тој нема да бега никаде и дека причините за протестите не се едноставни и вклучуваат влијанија од странски фактори.
„Жив сум, цел живот живеам овде во Србија, благодарен сум ѝ на мојата Србија, ќе останам овде, ова е моето место каде што ќе завршам. Ќе се борам за Србија и ќе му служам само на мојот – на српскиот народ и на сите други граѓани на Србија – никогаш на странците, никогаш на оние кои сакаат да ја поразат, понижат и да ја уништат Србија“, напиша Вучиќ на својот Инстаграм профил.
Вучиќ предупреди дека Србија е под притисок од различни страни и дека се обидуваат да ја соборат со сите можни хибридни средства.
НЕ СУМ АСАД, НЕМА ДА БЕГАМ Вучиќ останува да се бори за Србија