ВООЧИ СВЕТСКИОТ ДЕН ЗА БОРБА ПРОТИВ ПУШЕЊЕТО Наместо помалку пушачи, имаме сè помлади зависници од пушење
Нема пушач кој не може да се откаже од пушењето. Постојат само оние кои не сакаат, е пораката од лекарите во пресрет на Светскиот ден посветен на борба против пушењето кој се одбележува секоја година на 31 мај. За жал, сведоци сме дека благодарение на електронските цигари, се намалува границата за употреба на тутун, па многу деца под 15 години и порано, се навлекуваат на оваа зависност.
Воочи Светскиот ден за борба против пушењето, 1,3 милијарди луѓе во светот консумираат цигари, повеќе од осум милиони луѓе умираат секоја година од компликации предизвикани од пушењето, а особено е загрижувачки тоа што младите луѓе, вклучително и децата од помлада училишна возраст, сè повеќе и сè порано се свртуваат кон овој порок.
Благодарение на електронските цигари, се намалува границата за употреба на тутун, па многу деца под 15 години, па дури и порано, се навлекуваат на оваа зависност.
Често сме сведоци на тоа како родителите заедно со своите деца купуваат електронски цигари и вејпови со различни вкусови, дозволувајќи им на децата сами да ги избираат вкусовите, бидејќи го перцепираат тоа како тренд.
Атрактивни, шарени, интересни, со егзотични вкусови, од гледна точка на трговците на мало и на производителите, тие се идеални за тинејџерите.
Ако ги консумирате, тогаш сте кул, иако тој статус може да ве чини три пати повеќе. И за разлика од пакувањето на цигарите, на нив нема предупредување дека се штетни за здравјето.
Повеќе за ова на порталот „Мајка и дете“.