ВО ЛАБОРАТОРИСКИ УСЛОВИ УНИШТИЛ 95 ПРОЦЕНТИ ОД КАНЦЕРОГЕНИТЕ КЛЕТКИ Научниците го истражуваат коренот од глуварче
Екстрактот од коренот на глуварчето покажува силно дејство врз клетки на рак во лабораторија, но научниците повикуваат на претпазливост – сè уште нема доказ дека делува кај луѓе
Научниците ширум светот веќе неколку години се прашуваат дали екстрактот од корен од глуварче би можел да стане нов сојузник во борбата против ракот – или станува збор само за ветувачка лабораториска хипотеза.
Во изминатата деценија, екстрактот од корен од глуварче (Dandelion Root Extract – DRE) привлече големо внимание во научната заедница поради неговите потенцијални антиканцерогени својства. Ова лековито растение, кое многумина го сметаат за обичен плевел, се проучува како можен природен извор на соединенија што би можеле да влијаат врз растот на клетките на ракот.
Што покажуваат лабораториските студии
Неколку студии, меѓу кои и истражување од 2016 година на Универзитетот Виндзор во Канада, покажале дека екстрактот од корен од глуварче може да предизвика смрт на клетките на ракот во лабораториски услови. Во ова истражување, повеќе од 95 проценти од клетките на рак на дебелото црево биле уништени во рок од 48 часа, додека здравите клетки останале речиси непогодени.
Слични резултати биле забележани и кај други типови на рак, како леукемија, меланом, рак на панкреас и рак на простата. Научниците утврдиле дека екстрактот може да предизвика апоптоза – процес на програмирана клеточна смрт – и истовремено да го забави растот на туморските клетки.
Понови истражувања продолжуваат да ги испитуваат овие механизми. Студија објавена во 2024 година покажала дека соединенијата од коренот на глуварчето можат да влијаат на клетките на рак на дебелото црево, со што се намалува нивната способност за размножување.
Повеќе за ова прочитајте на порталот „Арт кујна“.