ВКУСОВИ ЛИ СЕ ВКУСОВИ, ГУРМАНСКИ МАКИ ГОЛЕМИ! Како се најде еден супер-херој меѓу пет бестрашни жени и што ново вкусивме денес?
Слатко од капини, пекмез од шипки, малечки куглоф колачи, производи со тартуфи и најновиот хит од кујната на „Туф“, портокал со тартуфи, потоа вкусните „Бонита“ путери од јаткасти плодови, раскошните вина на „Јостела“, „В’к“ ракија, а особено женските изданија, ракија од лаванда и ликер од кафе и органските салати и зеленчуци од Орешани, сите заедно ни го разубавија денот и ја почнаа „Неделата на бестрашни жени“ во ресторанот „Гранче“. Меѓу нив, инфилтриран и тој, Васил, како бестрашна замена на неговата сестра Милица
На денешниот настан во рамките на „Неделата на бестрашни жени“ во ресторанот „Гранче“ (комплекс Мида, Скопје), на мини-пазарот на жени-локални производителки на храна и пијалаци, се најде и еден бестрашен маж. Станува збор за Васил Петрушевски, кој заедно со својата сестра Милица е оснивач на т.н. Зелена република/Green republic, бренд што тие двајца го развиле со поддршка на Фондот за иновации и технолошки развој.
Можеби ќе ве интересира
Со оглед на тоа што Милица морала да биде на своето работно место, на денешниот женски настан бестрашно се појави тој, Васил, сам меѓу петте жени, инаку сите членови на Слоу фуд Водно.
Повеќе за ова прочитајте на порталот „Арт кујна“.