(ВИДЕО) ЕВЕ КАКО БИ ИЗГЛЕДАЛ АЛЕКСАНДАР ВЕЛИКИ ДЕНЕС Реконструкција на ликот на императорот

Нова верзија за тоа како би можело да биде лицето на легендарниот грчки крал и армиски водач Александар Велики во реалниот живот е претставена од Royalty Now Studios на Јутјуб.

Истражувачите често користеле модерна технологија и историски записи, за да се обидат да одговорат на прашањето како би можело да изгледа вистинското лице на Александар, врз основа на многубројните сочувани бисти на големиот грчки водач, кој е роден во 356 п.н.е. и умрел во 323 п.н.е.

Во својот краток, но фасцинантен живот, Александар создал огромна империја која се протегала од Грција до северозападна Индија и го поставил во колективната меморија како „Велики“.

Во артефактите од антиката Александар е портретиран со прав нос, малку испакната вилица, полни усни и очи длабоко поставени под силно изразено чело, како што опишува Кшиштоф Навотка во неговата студија од 2010 година. Историчарите не се сигурни за бојата на неговата коса, бидејќи референците од античките историчари се спротивставени.

Имајќи предвид разни извори, студиото Royal Now се обидува да направи не само анимирана нова реконструкција на лицето на Александар Велики, туку и модерна интерпретација на тоа како тој можеби изгледал во современата облека и естетика.