ВАРЕНИ, ПОШИРАНИ, ПРЖЕНИ… Нутриционистите дадоа одговор на прашањето, кој е најздравиот начин за подготовка на јајца

Без разлика дали ги сакаме како кајгана, варени, печени или во форма на омлет, слободно може да се каже дека луѓето низ целиот свет ги сакаат јајцата. Просечниот човек јаде околу 200 јајца годишно, што е околу едно јајце секој втор ден, вклучувајќи ги и оние што се користат во готвењето и печењето.

И покрај нивната популарност, јајцата со децении ги следеле негативни гласови. Тие се обвинети за зголемување на холестеролот, зголемување на ризикот од срцеви заболувања и некогаш биле поврзувани и со салмонела. Но, експертите за исхрана сега велат дека оваа репутација е во голема мера застарена.

– Јајцата се изненадувачки контроверзна храна“, истакнува Роб Хобсон, регистриран диететичар и автор на книгата „Unprocess Your Life“. Како што објаснува тој, студиите од 1950-тите погрешно ги поврзувале со срцеви заболувања, а оваа идеја опстојувала во упатствата за исхрана во текот на 1970-тите и понатаму.

Луѓето кои јаделе повеќе јајца во тие рани студии честопати јаделе и повеќе преработено месо, рафинирани јаглехидрати и шеќерни пијалаци, а помалку зеленчук. Јајцата биле дел од генерално нездрава исхрана, што ги замаглувало резултатите – истакнува Хобсон.

Салмонела, холестерол и зошто стравовите се претежно минато

Стравовите дека јајцата би можеле да содржат салмонела, како и верувањето дека течните жолчки се опасни, исто така се претежно минато. Кокошките во Британија рутински се вакцинираат против салмонела од крајот на 1990-тите, што драстично го намали ризикот од инфекција.

За повеќето луѓе, вели Хобсон, јајцата се хранлив извор. Едно големо јајце содржи околу 7,5 грама протеини, што е околу една шестина од препорачаниот дневен внес за жени. Исто така, има речиси занемарлива количина сол, само 78 калории и низа витамини, вклучувајќи витамини од групата Б и витамин Д, кои се неопходни за многу телесни функции.
Јајцата исто така содржат форма на витамин А што полесно се апсорбира од онаа што се наоѓа во зеленчукот, што ги прави особено корисни во вегетаријанската исхрана.

Сепак, регистрираната диететичарка Лили Саутер предупредува дека методот на подготовка игра голема улога.

– Проблемот доаѓа со преработката, пржењето и додавањето големи количини маснотии и сол, што може да ги поништи здравствените придобивки од јајцата – истакнува таа.

Повеќе за ова на порталот „Арт кујна“.