УКРАИНА СЕКОЈ МОМЕНТ МОЖЕ ДА ЈА НАПАДНЕ РУСИЈА СО АМЕРИКАНСКИ РАКЕТИ Позната е и првата руска мета, а Европа веќе е во паника
Украина планира да изврши ризични напади врз Русија, откако администрацијата на претседателот Џо Бајден ги укина ограничувањата за употреба на ATACMS ракетите за цели длабоко на руска територија. Западноевропските земји, особено тие кои се најблиску до Русија, стравуваат од одговорот на Москва.
Прва цел на најавените украински напади американски ракети со долг дострел најверојатно ќе бидат руски и севернокорејски сили во регионот Курск, каде што руската армија се обидува да ги потисне украинските сили кои воспоставија присуство по изненадниот упад на руска територија во август.
Украина планира да изврши ризични напади врз Русија, откако администрацијата на претседателот Џо Бајден ги укина ограничувањата за употреба на ATACMS ракетите за цели длабоко на руска територија.
Оваа значајна промена во политиката на САД е одговор на распоредувањето на севернокорејски трупи од страна на Русија за поддршка на нејзините воени операции, што предизвика загриженост во Вашингтон и во Киев.
Иако не се очекува оваа одлука фундаментално да го промени текот на војната, еден од целите е да се испрати порака до Северна Кореја дека нивните сили се ранливи и дека не треба да испраќаат дополнителни трупи.
Не е јасно дали новоизбраниот претседател на САД, Доналд Трамп, ќе ја поништи оваа одлука по преземањето на функцијата во јануари.
Доколку САД ѝ дозволат на Украина да го користи оружјето произведено од САД за напади на руска територија, тоа ќе доведе до зголемување на тензиите и до продлабочување на американското учество во конфликтот меѓу Русија и Украина, соопшти Кремљ во првичната реакција на одлуката на американскиот претседател Џо Бајден да ѝ се дозволи на Украина да ги користи американските ракети во длабочина на руска територија.
Францускиот дневен весник „Фигаро“ првично сугерираше дека Велика Британија и Франција го следеле примерот на Вашингтон и му дале дозвола на Киев да ги користи нивните ракети Storm Shadow/SCALP за напади на цели во Русија, но подоцна весникот го измени својот извештај.
Украинскиот претседател Володимир Зеленски, кој долго време лобира кај западните партнери за дозвола за длабоки напади во Русија, не ја потврди директно оваа одлука, но повтори дека далекуметните напади се дел од неговиот „план за победа“.
Одлуката на Бајден да дозволи употреба на ATACMS ракетите следи по познат образец на првично одбивање на украинските барања за оружје, стравувајќи од ескалација на конфликтот, а потоа одобрување по одреден период.
Аналитичарите идентификуваа стотици руски цели во дометот на овие ракети, што може значително да ја зголеми способноста на Украина да ги напаѓа руските воени позиции. Сепак, останува да се види како оваа промена во политиката на САД ќе влијае на динамиката на конфликтот и односите меѓу вклучените страни.
Првиот резултат од овие најави е зголемена вознемиреност во западните земји, пред се во оние кои се блиску до руската граница. Скандинавските земји, на пример, се подготвуваат за војна. Милиони Швеѓани деновиве добиваат памфлети со совети како да се подготват и да се справат со можна војна или со неочекувана криза. До норвешките домаќинства веќе се дистрибуирани брошурите, а Финска на своето население му испрати онлајн инструкции како да се подготват за кризни периоди.
БАЈДЕН ЌЕ ПОЧНЕ ТРЕТА СВЕТСКА ВОЈНА ПРЕД ДА ЗАМИНЕ Дали Киев доби „сребрен куршум“ против Кремљ?