Триесет и петгодишен нуркач беше убиен во уште еден смртоносен напад од ајкула во Западна  Австралија. Мажот, чиј идентитет не е објавен, денес бил во подводен риболов со своето семејство во близина на островот Михаелмас, југоисточно од Перт, кога бил нападнат од ајкула за која се верува дека е долга 4,5 метри, пишува Би-Би-Си.

Нападот се случил околу 11.25 часот по локално време. Иако несреќниот човек бил брзо пренесен со брод до брегот, каде што го чекала брза помош, тој не можел да се спаси. Лекарите не можеле да го реанимираат и можеле само да го прогласат за мртов.

Одделот за примарни индустрии и регионален развој (DPIRD), кој им помага на полицијата и локалните власти, исто така се приклучи на истрагата. Тие, исто така, апелираа до граѓаните да пријават секое видување ајкули во областа.

Оваа трагедија е втора за период од еден месец во истата австралиска држава. Стивен Матабони, татко на две деца, беше убиен од ајкула долга четири метри кај гребенот Хорсшу, недалеку од популарниот остров Ротнест во близина на Перт.

Нападите од ајкули во австралиските води се статистички почести отколку во многу други делови од светот, но важно е да се напомене дека тие ретко завршуваат со фатален исход.

Најпопуларните плажи и локации за сурфање генерално се опремени со заштитни мерки, како што се мрежи и зголемен надзор, за да се минимизира ризикот од напади.

The post 🎥 НУРКАЧ ЗАГИНА ВО НАПАД НА АЈКУЛА ВО АВСТРАЛИЈА Човекот бил на подводен риболов со семејството appeared first on plusinfo.mk.

Македонската опера и балет со неизмерна тага и неверување ја прими веста за трагичната смрт на првенецот на Македонската опера и балет, баритонот Ристе Велков, кој го загуби животот во сообраќајна несреќа.

„Македонската оперска сцена изгуби исклучителен уметник, врвен интерпретатор и човек, чиј глас, уметност и сценско присуство оставија длабока трага во Македонската опера и балет и во македонската музичка култура.

Ристе Велков беше еден од водечките македонски баритони и еден од најхаризматичните оперски солисти. Роден е во 1975 година во Скопје, Република Македонија. Како реномиран солист – првенец на Македонската опера и балет, тој претежно настапува во белканто продукции, со што го заслужува и епитетот „италијански баритон со кадифена боја“.

Средното музичко образование го завршува во ДМБУЦ „Илија Николовски – Луј“ во Скопје во 1994 година, во класата на проф. Марија Николовска, смер соло-пеење. Дипломира на Факултетот за музичка уметност при Универзитет „Св. Кирил и Методиј“ во Скопје во 1999 година, во класата на м-р проф. Милка Ефтимова. Магистрира со највисока оцена cum laude во 2011 година на истиот факултет, во класата на м-р проф. Билјана Јовановска Јакимовска, смер соло-пеење.

Во периодот 1995–2000 година ги гради основите на оперското пеење кај македонскиот тенор Гога Трајанов. Своето уметничко усовршување го продолжува кај драмскиот тенор Стојан Стојанов Ганчев од Загреб, како и кај познатите италијански вокални педагози Антонио Бојер и Мирела Паруто, и светски познатиот романски баритон Николај Херлеа. Од 2001 до 2017 година се специјализира и го надградува својот репертоар во приватното оперско студио на бугарскиот баритон Стојан Попов во Софија.

Во 1996 година, како студент, дебитира во драмската претстава „Амадеус“ на сцената на Драмски театар – Скопје. Во 1998 година дебитира на „Мајски оперски вечери“ со улогата на Маруло во „Риголето“. Во 2009 година настапува на матичната сцена во Македонската опера и балет со насловната улога во „Набуко“. Во 2016 година настапува во продукција на Tokyo Opera во Јапонија, со улогата на Жорж Жермон во „Травијата“, во Performing Arts Center Ryutopia во Ниигата. Во 2017 година одржува солистички рецитал во Музеј-куќата на Борис Христов во Софија.

Велков гостува во Јапонија, Србија, Романија, Турција и Бугарија, а настапува на речиси сите значајни домашни фестивали и манифестации: „Охридско лето“, „Скопско лето“, „Штипско лето“, „Есенски музички свечености“, „Мајски оперски вечери“, „Интерфест“ – Битола и други.

Во текот на својата кариера реализираше голем број улоги, меѓу кои повеќе од 15 главни и водечки баритонски остварувања: Набуко („Набуко“), Риголето („Риголето“), Магбет („Магбет“), Грофот Луна („Трубадур“), Жорж Жермон („Травијата“), Дон Карло ди Варгас („Моќта на судбината“), Амонасро („Аида“), Ецио („Атила“), Енрико („Лучија од Ламермур“), Белкоре („Љубовен напиток“), Ескамиљо („Кармен“), Валентин („Фауст“), Шонар („Боеми“), Алфио („Кавалерија рустикана“), Силвио („Палјачи“), Таткото Петер („Ивица и Марица“), Сигизмунд – крал на Полска („Иван Сусанин“), Огнен („Цар Самуил“) и Вангел („Илинден“).

Неговата посветеност кон уметноста, впечатливите улоги и љубовта кон сцената ќе останат трајно запаметени.

Изразуваме искрено сочувство до неговото семејство, колегите, пријателите и сите што го познаваа и почитуваа.

Слава му.“

Македонска опера и балет

The post ПРВЕНЕЦ КОЈ ГО НОСЕШЕ ЕПИТЕТОТ ИТАЛИЈАНСКИ БАРИТОН СО КАДИФЕНА БОЈА Македонската опера и балет се прости со Ристе Велков appeared first on plusinfo.mk.

Три лица, меѓу кои и државјанин на Македонија, загинаа во тешка несреќа што се случи ноќеска во бугарскиот град Разград, кога 19-годишен возач со автомобил влетал во полн ресторан, објавија локалните медиуми.

Несреќата се случила околу 01:36 часот на улицата Гранчарска. Според информациите од бугарската полиција, младиот возач, кој управувал автомобил сопственост на неговиот татко, изгубил контрола врз возилото и удрил директно во терасата на ресторанот, каде во тој момент имало гости.

На самото место на несреќата животот го загубиле тројца мажи на возраст од 58, 62 и 64 години. Меѓу загинатите е и 58-годишен државјанин на Македонија, кој имал постојано живеалиште во Бугарија.

The post МАКЕДОНЕЦ ЗАГИНА ВО БУГАРИЈА 19-годишник со возило влетал во тераса од ресторан и покосил тројца гости appeared first on plusinfo.mk.

На 04.07.2025 година во 15:26 часот, на пресекот на улиците Борис Кидриќ и Мирко Милески, се случила  сообраќајна незгода помеѓу патнички автомобил „ауди” со кичевски регистарски ознаки, управуван од А.Е.(22) од кичевското село Стрелци и моторцикл „хамачи”, управуван од 17-годишно момче од Кичево.

„Моторциклистот, со тешки телесни повреди бил пренесен во клиниката „Мајка Тереза” во Скопје  но при транспортот им подлегнал на повредите, а доктор од Итната медицинска помош, констатирал смрт. Увид на местото на незгодата извршија полициски екипи и јавен обвинител по чија наредба, врз телото на моторциклистот, ќе биде извршена обдукција“, се наведува во соопштението од СВР Охрид.

The post 17-ГОДИШЕН МОТОРЏИЈА ПОЧИНА НА ПАТ КОН СКОПСКИТЕ КЛИНИКИ Тешка сообраќајка во Кичево appeared first on plusinfo.mk.

При одбивање на масовен руски напад со ракети и со беспилотни летала синоќа, украински авион Ф-16 беше оштетен, а пилотот од прва класа, потполковник Максим Устименко, беше убиен, објави Командата на воздухопловните сили на вооружените сили на Украина.

• КЛУЧНИОТ ГРАД КОСТЈАНТИНИВКА ПОД ИНТЕНЗИВЕН РУСКИ НАПАД Кремљ напредува бавно, но постојано на источниот фронт

„Во текот на ноќта, руските окупатори повторно започнаа масовен напад со ракети и со беспилотни летала врз Украина, користејќи ракети од различни видови и ударни беспилотни летала. Вкупно, повеќе од 500 воздушни цели“, соопшти армијата на социјалната мрежа Фејсбук.

Се забележува дека сите расположиви средства на Одбранбените сили, способни да дејствуваат во воздушни напади, беа вклучени во одбивањето на масовниот напад.

„Уште еднаш, авијацијата на Воздухопловните сили дејствуваше продуктивно, особено авионите Ф-16, чиишто пилоти уништија десетици дронови ‘Шахед’… И покрај сè, нашите пилоти херојски ги извршуваат борбените задачи, постигнувајќи максимални резултати. За жал, таа ноќ, при одбивање на масовен воздушен напад, пилотот од прва класа, потполковник Максим Устименко, роден во 1993 година, загина во авионот Ф-16“, соопштија од Воено-воздухопловните сили.

• ЗАПАДОТ НИКОГАШ НЕ УСПЕАЛ, НИТУ ЌЕ УСПЕЕ ДА ЈА ПОРАЗИ РУСИЈА Лавров обвинува дека Киев е само „овен за удар“ на непријателот на Кремљ

Во соопштението се наведува дека пилотот соборил 7 воздушни цели, а за време на последната вежба, неговиот авион бил оштетен, почнал да губи висина и немал време да се катапултира.

Како што објави Укринформ, Русија синоќа го изврши најмасовниот воздушен напад врз Украина од почетокот на војната, употребувајќи ракети и дронови.

Massive Russian Strike on Ukraine: Over 500 Targets, Dozens of Missiles — and the Death of an F-16 Pilot

The night of June 29 became one of the heaviest in recent months. According to Ukraine’s Air Force, Russia attacked with 477 drones and 60 missiles, including 41 Kh-101… pic.twitter.com/uP7LL7L7a7

— NEXTA (@nexta_tv) June 29, 2025

The post 🎥📷 ЗАГИНА УКРАИНСКИ ПИЛОТ ОТКАКО СОБОРИЛ 7 ДРОНОВИ Русија нападнала над 500 воздушни цели во најмасовниот удар досега appeared first on plusinfo.mk.

Две товарни возила излетале од патот Прилеп-Градско, а едно лице починало од здобиените повреди, информираше МВР.

Синоќа во 22:30 часот во СВР – Велес било пријавено дека на експресниот пат Прилеп-Градско, пред приклучокот за автопатот Неготино-Велес, товарно возило „рено мастер“ со кривопаланечки регистарски ознаки, управувано од А.Ѓ., на возраст од 42 години од Крива Паланка, излетало од коловозот и удрило во заштитна ограда.

Потоа, М.В., на возраст од 44 години од село Трубарево, скопско, кој управувал товарно возило „ман“ со скопски регистарски ознаки, избегнувајќи го товарното возило „рено“, со возилото излетал од коловозот и удрил во метална ограда.

„Во несреќата, со тешки телесни повреди се здобил возачот на товарното возило ‘рено мастер’ и е пренесен во Општата болница во Велес, каде што во 1:30 часот, денеска, починал“, појаснија од МВР.

ПРЕКИНАТ Е СООБРАЌАЈОТ НА АВТОПАТОТ ГОСТИВАР-ТЕТОВО Камион се превртел од патот

The post ЗАГИНА ВОЗАЧ НА ПАТОТ ПРИЛЕП-ГРАДСКО Излетале два камиона appeared first on plusinfo.mk.

На 03.05.2025 година во 15 часот во СВР Штип било пријавено дека на магистралниот пат Кочани – Штип, на влез во село Крупиште, општина Карбинци, В.М.Р. (60) од село Крупиште управувајќи патничко возило „форд“ со радовишки регистарски ознаки, изгубил контрола над возилото и излетал надвор од патот.

„Возачот од здобиените повреди во несреќата починал на местото на настанот, а смртта била констатирана од лекар од Итната медицинска помош – Штип“, информира МВР.

Известен е надлежен ЈО, а увид извршила увидна екипа од СВР Штип.

The post СО ВОЗИЛО ИЗЛЕТАЛ ОД ПАТОТ Загинал на лице место appeared first on plusinfo.mk.

Француската скијачка Марго Симон загина на 18-годишна возраст по несреќа за време на тренинг во Вал д’Изер, соопшти денеска Француската скијачка федерација.

Симон претрпе сериозен пад, по што лекар веднаш се обидел да ја реанимира, но не успеал да ѝ го спаси животот на младата француска скијачка.

Сите детали околу трагичниот настан сè уште не се познати.

Симон во март ја освои шампионската титула на националното првенство во категорија до 18 години.

„Сакаме да изразиме искрено сочувство до нејзиното семејство и најблиските и да им ја дадеме нашата целосна поддршка во овие особено тешки времиња“, се вели во соопштението на Француската скијачка федерација.

The post ЗАГИНА 18-ГОДИШНА ФРАНЦУСКА СКИЈАЧКА Марго Симон настрадала по сериозен пад за време на тренинг appeared first on plusinfo.mk.

По консумирање алкохол во вторникот околу 20 часот, на улицата Златка Шулентица во загрепската населба Суседград настанала жестока физичка пресметка меѓу двајца мажи на возраст од 39 и 31 година, објави хрватски Дневник.

Како што информира полицијата, тепачката се случила во стан, а при инцидентот помладиот маж им подлегнал на повредите.

Набргу по инцидентот, 39-годишниот осомничен бил пронајден на адреса на живеење во месноста Стењевац и е приведен во полициска управа. Против него е покрената кривична истрага, која е во тек.

Полицијата продолжува со прибирање информации и со утврдување на околностите поврзани со трагичниот настан.

The post 31-ГОДИШЕН МАЖ ВО ЗАГРЕБ БИЛ ПРЕТЕПАН ДО СМРТ Алкохолот ја распламнал кобната пресметка во стан appeared first on plusinfo.mk.

Момче на 19-годишна возраст од село Миравци, загина утрово околу 4 часот кога со автомобил „бмв“, што го управувало, излетало од коловозот на регионалниот пат меѓу селата Миравци и Давидово, соопштија денеска од Секторот за внатрешни работи – Струмица.

Во соопштението се наведува дека момчето починало на местото на несреќата, а смрт констатирал лекар на Итната медицинска помош.

Бил извршен увид од јавен обвинител и увидна екипа од ОВР – Гевгелија, а по наредба на јавен обвинител, телото на момчето е дадено на обдукција.

The post МОМЧЕ ЗАГИНА ВО СООБРАЌАЈКА КАЈ ГЕВГЕЛИЈА Излетало од коловозот со својот автомобил appeared first on plusinfo.mk.