Британското кралско семејство уште еднаш покажа како изгледа раскошот на највисоко ниво. Кралот Чарлс Трети во вторникот вечерта (20.10) приреди свечен државен банкет во замокот Виндзор во чест на оманскиот султан Хајтам бин Тарик Ал Саид. На гламурозната вечера присуствуваа 160 гости, меѓу нив и принцот Вилијам и принцезата Кејт, најистакнатите членови на кралското семејство и бројни угледни гости, а внимание привлекоа и неверојатните детали.

Во центарот на салата се наоѓала маса долга дури 50 метри, која се протегала речиси низ целата просторија. За гостите биле подготвени 480 ножеви, 480 виљушки и 160 лажици, а бил користен и историскиот кралски сервис што своевремено го нарачал кралот Џорџ Четврти. Станува збор за колекција од повеќе од 4.000 парчиња сребрен прибор со позлата.

Посебно внимание привлекува и величествениот свеќник со 12 свеќи, украсен со мотивот на Сент Џорџ и змејот. Изработен е во 1833 година по нарачка на кралот Вилијам Четврти, а за оваа пригода бил дополнително украсен со калинки од дрво што пред околу 50 години го засадил покојниот принц Филип, сопругот на кралицата Елизабета Втора.

Раскошот бил видлив и во поставувањето на трпезата во салата „Сент Џорџ“. Махагонската маса била долга 47 метри, а раскошната атмосфера била надополнета со цветни аранжмани направени од сезонско цвеќе, рачно набрано во градините на Бакингемската палата, замокот Виндзор и градината Савил, која е дел од паркот Виндзор Грејт.

Ништо помалку импресивно не било ниту менито, внимателно осмислено за оваа посебна пригода. За предјадење, гостите добиле шкотски шкампи и рак од Корнвол, послужени со авокадо, целер и бистра доматна супа.

За главно јадење бил послужен фазан од имотот Виндзор, подготвен со зачинети дуњи, полнета зелка, компири и сос од дижонски сенф. Вечерата завршила со елегантниот десерт „Бејкд Алјаска“ (Baked Alaska) – сладоледен десерт прекриен со запечена пена од белки, подготвен со сливи од Балморал и сладолед со мед од кралскиот имот Виндзор.

Изборот на локални состојки и сезонски производи е дел од пристапот со кој кралската кујна го претставува британското гастрономско наследство.

Султанот, кој е муслиман и не пие алкохол, за време на свечената здравица наздравил со безалкохолен пијалак, додека на другите гости им биле понудени врвни вина, меѓу кои особено се издвојувало „Шато Марго“ од 1979 година, како и шампањското „Taittinger Comtes de Champagne“ од 1998 година.

Посебно внимание привлекол пијалакот по вечерата. Наместо вообичаен коктел, готвачите се инспирирале од оманската традиција на „кахва“, ароматично арапско кафе со зачини, кое се споделува како знак на гостопримство. Во Виндзор оваа идеја ја приспособиле со британски чаеви и мед од кралскиот имот. Гостите можеле да изберат ладен чај „Ерл греј“ со урми, ладен чај со нане и роза или топол чај со кардамон и мед.

Кралската гозба не била само демонстрација на луксуз, туку и начин да се спојат традициите на двете земји. Од локалните британски состојки до пијалакот инспириран од оманското гостопримство, секој детаљ бил осмислен за да ја одбележи државната посета – прва посета на омански султан на Велика Британија по 44 години.

Посебна приказна бил и музичкиот дел од свеченоста. Иако многумина на кралски банкет би очекувале исклучиво класична музика, организаторите подготвиле интересна комбинација од традиционални композиции и современи хитови.

На репертоарот, покрај делата на Бах, Хендл и Вивалди, се нашле и песната „Shallow“, позната во изведба на Лејди Гага и Бредли Купер, „Clocks“ на групата „Колдплеј“ и „A Thousand Years“ на Кристина Пери. Била изведена и музика од популарни филмови и мјузикли, меѓу кои „La La Land“ и „The Greatest Showman“.

За музичката придружба бил задолжен гудачкиот оркестар на војвотката од Единбург, под диригентство на капетанката Александра Никсон, а свечената атмосфера дополнително ја збогатиле традиционалните шкотски гајдаџии.

Меѓу гостите биле и оманската атлетичарка Мазун Ал Алави и морепловецот Мохсин Ал Бусаиди.

The post 📽️ КРАЛОТ ЧАРЛС НАПРАВИ РАСКОШЕН КРАЛСКИ БАНКЕТ ЗА ОМАНСКИОТ СУЛТАН Фазани и јастози, дуњи, мед и од пиле млеко во чест на важниот гостин appeared first on plusinfo.mk.

Принцот Џорџ ќе оди на Колеџот Итон од есенва, следејќи ги стапките на својот татко, принцот од Велс, Вилијам.

Момчете кое се појави со своето семејство на кралската свеченост за време на викендов, ќе биде ученик во училиштето каде што оделе и престолонаследникот Вилијам и неговиот брат, војводата од Сасекс, принцот Хари, соопшти Кенсингтонската палата.

Младиот принц досега учеше во училиштето Ламбрук – приватното подготвително училиште во Беркшир, каде што и живее. Неговите браќа и сестри, принцезата Шарлот (11), и принцот Луис (8), исто така, се ученици таму.

Вилијам и неговата сопруга Кејт наводно биле забележани како го обиколуваат Итон со нивниот најстар син во 2023 година, што уште тогаш ги поттикна гласините дека училиштето е високо на нивната листа на места каде што ќе го испратат Џорџ.

Колеџот Итон (Eton College) е светски познат приватен интернат за момчиња на возраст од 13 до 18 години, лоциран во близина на Виндзор, Англија. Основан е во 1440 година од кралот Хенри VI и е еден од најпрестижните образовни центри во светот, кој низ историјата образувал бројни британски премиери, членови на кралското семејство и светски лидери.

Итон е едно од најпознатите и најпрестижни училишта во светот. Има углед на всадување самодоверба и лидерство, бидејќи студентите мора сами да исполнат многу неакадемски задачи. Годишните давачки достигнуваат 63.298 фунти (над 73.000 евра).

Не е познато дали Џорџ ќе се смести во Итон, имајќи предвид дека колеџот е на само неколку километри од домот на неговото семејство т.е. нивниот замок во Виндзор.

На печатот во 90-тите му беше дозволено да го снима првиот ден на Вилијам во Итон со неговите родители Чарлс и Дијана – тогашните принц и принцеза од Велс, како и принцот Хари.

Пет години подоцна, на 18-годишна возраст, принцот Вилијам беше интервјуиран за времето минато во тоа училиште.

– Навистина уживав што можев да одам низ Итон како уште еден ученик – изјави тој тогаш.

 

View this post on Instagram

 

A post shared by HELLO! Magazine (@hellomag)

Меѓу попознатите поранешни ученици се глумците Том Хидлстон, Хју Лори и Еди Редмејн, голем број премиери, вклучувајќи го тука и Дејвид Камерон, писателите Џорџ Орвел и Ијан Флеминг, како и авантуристот Бер Грилс.

Кралот Чарлс Трети, инаку, одел во Гордонстаун – училиште во Шкотските Висорамнини коешто го посетувал и неговиот татко, покојниот војвода од Единбург. Според биографот Џонатан Димблби, времето што денешниот британски монарх го минал таму било „затворска казна“ – но, му всадило самодисциплина и чувство на одговорност.

The post 🎥 ПРИНЦОТ ЏОРЏ ПО СТАПКИТЕ НА ТАТКО МУ Наследникот на Вилијам ќе учи на колеџот Итон од септември appeared first on plusinfo.mk.

Член на елитна единица на британската армија почина откако падна од коњ додека настапуваше на престижниот Кралски саем за коњи во Виндзор.

На трагичниот инцидент во Беркшир присуствуваа самиот крал Чарлс III, како и војводата и војвотката од Единбург.

Член на Кралските трупи – Кралска коњска артилерија падна од коњот додека единицата го напушташе хиподромот, објавува Дејли меил.

Медицинските екипи реагираа брзо и се обидоа со реанимација, но јавачот не можеше да се спаси – тој почина на лице место како резултат на сериозни повреди.

Иако британскиот монарх и членовите на кралското семејство беа во арената во тој момент и практично беа сведоци на инцидентот, тие првично не беа свесни за сериозноста на ситуацијата. Дури подоцна беа информирани за фаталниот исход.

– Кралот беше длабоко вознемирен и тажен кога дозна за смртта на војникот. Неговото Височество ќе биде во контакт со семејството за да изрази лично сочувство. Мислите и најискрените сочувства на целото кралско семејство се испраќаат до семејството на жртвата и неговите воени колеги – објави портпаролот на Бакингемската палата.

The King was “greatly shocked” and “saddened” to have learned of the death of a service person who fell from their steed following a display at the Royal Windsor Horse Show, a Buckingham Palace spokesperson has said.https://t.co/If541g8rtx

— LBC News (@LBCNews) May 16, 2026

По трагедијата, кралот Чарлс, придружуван од војводата и војвотката од Единбург, се сретна со други членови на оваа историска воена единица за да ја понуди својата поддршка.

Локалната полиција објави дека смртта на војникот се третира како необјаснета, но дека првичните индикации покажуваат дека нема сомнителни околности и дека станува збор за несреќа.

Директорката на настанот, Џо Пек, изјави дека Кралската изложба на коњи во Виндзор ќе продолжи според планот, но дека, од почит кон нивниот загинат колега, сите понатамошни настапи на Кралската коњска артилерија се откажани.

The post ВОЈНИК НА ЕЛИТНАТА КОЊИЧКА ЕДИНИЦА ПОЧИНА ПРЕД ОЧИТЕ НА КРАЛОТ ЧАРЛС ТРЕТИ Падна од коњ на престижниот Кралски саем за коњи appeared first on plusinfo.mk.

Објавувањето на досиејата на сексуалниот престапник Џефри Епстин е бура која директно го погодува британскиот премиер, додека го штити шефот на САД. Според Си-Ен-Ен, истата афера произведува дијаметрално спротивни политички последици во Лондон и во Вашингтон.

Наспроти Трамп, британскиот премиер Кир Стармер, кој никогаш не бил директно поврзан со Епстин, се најде во најтешката криза од почетокот на својот мандат.

Како што наведува Си-Ен-Ен, разликата не лежи само во имињата, туку во системите.

– Ова не е приказна за тоа кој е спомнат во досиејата, туку за тоа кој има моќ да го преживее скандалот – се наведува во анализата на Си-Ен-Ен.

Америка ја апсорбира аферата

Во Соединетите Држави, институциите засега ја затворија вратата за нови обвиненија. Министерството за правда на САД исоопшти дека нема основ за дополнителни кривични гонења поврзани со Епстин. Дел од референците за Трамп се оценети како рутински, други како непотврдени сведоштва без правна тежина.

Си-Ен-Ен оценува дека Трамп ја користи својата најсилна политичка алатка.

„Техниката на Трамп е да го преплави јавниот простор со толку многу конфликти и кризи, што ниту една поединечна афера не може да стане фатална“, се наведува во анализата.

Трамп јавно изјави дека е време земјата да се фокусира на други теми. Со оглед на неговата контрола врз Републиканската партија и врз институциите, таа порака има тежина.

Британската влада под удар

Во Британија, истата приказна добива сосема поинаков тек. Владата на Стармер веќе беше ослабена од внатрепартиски бунтови и пад на довербата. Аферата со Епстин ја влоши состојбата. Британските медиуми отворено пишуваат дека Стармер е под силен притисок да поднесе оставка доколку кризата продолжи да се продлабочува.

Си-Ен-Ен посочува дека клучниот проблем за Стармер не е директната врска со Епстин, туку политичката одговорност.

– Стармер плаќа цена за одлуките што ги донел, а не за пријателствата што не ги имал – наведува телевизијата.

Питер Манделсон, клучниот проблем на Стармер

Скандалот експлодираше преку случајот со Питер Манделсон од Лабуристите, партијата на Стармер. Новообјавените досиеја сугерираат дека тој одржувал блиски односи со Епстин и по неговата пресуда за сексуални престапи и дека можеби споделувал чувствителни информации за време на финансиската криза во 2008 година.

Во тоа време, Манделсон беше амбасадор на Обединетото Кралство во Соединетите Американски Држави, позиција што му овозможуваше пристап до највисоки политички и финансиски кругови во Вашингтон.

Манделсон поднесе оставка од Домот на лордовите и од Лабуристичката партија и се соочува со кривична истрага. Стармер јавно призна дека знаел за неговото пријателство со Епстин, но сепак го унапредил.

– Манделсон ја предаде нашата земја, парламентот и партијата – изјави Стармер пред пратениците.

Кралската димензија на проблемот

Си-Ен-Ен нагласува дека во Британија аферата има и морална, а не само политичка тежина. Кралот Чарлс Трети му ги одзеде титулите на својот брат, поранешниот принц Ендру, поради долгогодишното пријателство со Епстин.

„Тоа е чин кој покажува дека јавниот притисок во Британија сè уште има моќ да предизвика реални последици“, оценува Си-Ен-Ен.

The post ИСТА АФЕРА СО ДОСИЕЈАТА ЕПСТИН, ДВЕ СУДБИНИ Стармер е под притисок, Трамп „ќе преживее“ appeared first on plusinfo.mk.

Според „Дејли меил“, преселбата на британскиот принц Ендру од Royal Lodg, луксузната резиденција во Виндзор во која живее со години, била направена во целосна дискреција, доцна во ноќта, по шокантните нови откритија поврзани со Џефри Епстин.

Поранешниот војвода од Јорк морал да го напушти имотот порано од планираното, а одлуката наводно била донесена откако кралот Чарлс станал сè позагрижен за новите обвинувања околу неговиот брат.

Ендру наводно бил транспортиран 82 милји (132 километри) подалеку до имотот Сандрингам под закрила на ноќта.

Итното преместување дошло откако биле објавени нови документи од досиејата на Епстин, вклучувајќи е-пошта и фотографии што предизвикале јавен револт. Во исто време, полицијата потврдила дека истражува обвинувања дека Епштајн доведувал жени во Велика Британија за сексуални односи со тогашниот принц.

Ендру ја напушти Ројал Лоџ, резиденција вредна околу 30 милиони фунти со 31 соба. Тој привремено ќе престојува во Вуд Фарм Котиџ во Норфолк додека не се завршат работите на соседниот имот, каде што треба да се пресели трајно на почетокот на април.

Иако сега се сели од Виндзор, извори тврдат дека Ендру може периодично да се враќа за да го заврши преселувањето, бидејќи ќе биде потребно време целосно да се испразни имотот. Кратко по неговото заминување, наводно биле видени голем број возила како ја напуштаат резиденцијата.

Поранешниот принц сега е под зголемен притисок да соработува со американските власти кои ги истражуваат злосторствата на Епстин, додека Бакингемската палата досега одбива да коментира за најновите откритија.

Според неодамна објавените судски документи, имало и обвинувања од жена која тврди дека учествувала во приватните собири на Епстин, каде што бил присутен и Ендру. Според судските документи, жената тврди дека во 2006 година била донесена на приватна забава во домот на осуден педофил во Палм Бич, каде што, според неа, била замолена да има секс со Ендру. Во истите документи се наведува дека потоа од Епстин побарала 250.000 долари, пишува Дејли Меил.

The post ПОРАНЕШНИОТ ПРИНЦ СРЕДЕ НОЌ ИСФРЛЕН ОД РЕЗИДЕНЦИЈАТА Ендру морал итно да се исели по шокантните нови откритија во врска со Епстин? appeared first on plusinfo.mk.

Поранешниот британски принц Ендру Маунтбатен-Виндзор се исели од кралската резиденција „Ројал Лоџ“ (Royal Lodge), потврдија извори од палатата, во момент кога полицијата ги проценува наводите дека осудениот сексуален престапник Џефри Епстин во 2010 година испратил дваесетгодишна девојка кај поранешниот војвода.

Според наводите, Ендру моментално живее во куќа на имотот Сандрингем во Норфолк, која се смета за привремено сместување, додека во наредните месеци се очекуваат понатамошни чекори и конечни аранжмани, пренесува Скај њуз.

Бакингемската палата во октомври минатата година соопшти дека кралот го почнал процесот на отстранување на ордените, титулите и почестите на Ендру, откако обвинувањата поврзани со Епстин почнаа да го одвлекуваат вниманието од работата на кралското семејство. Ендру повеќе од 20 години живееше во „Ројал Лоџ“, вила со 30 соби на имотот Виндзор, за која плаќаше номинална кирија.

Неговото преселување се случува во време кога полицијата ги разгледува тврдењата дека Епстин во 2010 година испратил жена во „Ројал Лоџ“, каде наводната средба се случила додека таа била во своите дваесетти години. Портпаролот на полицијата соопшти дека се запознаени со наводите и дека информациите се проценуваат во согласност со утврдените процедури, со напомена дека обвинувањата досега не биле официјално пријавени во таа полициска служба.

Ендру не ги коментираше најновите тврдења, но претходно негираше каква било врска со Епстин. Минатата година, Ендру и неговата поранешна сопруга Сара Фергусон се договорија да го напуштат имотот во замена за две одделни резиденции.

Ендру претходно се соочи и со обвинувања за сексуално вознемирување изнесени од Вирџинија Џуфре, која го обвини дека сексуално ја нападнал во три наврати додека била помлада од 18 години. Тие обвинувања завршија со вонсудска спогодба во 2022 година. Ендру ги негираше тие обвинувања. Џуфре почина во април минатата година.

The post ПОРАНЕШНИОТ ПРИНЦ ЕНДРУ ОТСЕЛЕН ОД КРАЛСКАТА РЕЗИДЕНЦИЈА Поради врските со Епстин ќе му бидат одземени сите почести appeared first on plusinfo.mk.

Холивудскиот актер Јуџин Леви (78), бил поканет да се сретне со Принцот Вилијам во дворот на замокот Виндзор точно во 10 часот наутро на 1 февруари, со цел да сними епизода од неговата документарна серија на AppleTV+, „The Reluctant Traveler“, пишува Мирор.

Тој бил воодушевен кога добил лична покана за „приватна тура“ од принцот од Велс, рачно доставена до луксузниот кралски апартман во хотелот „Горинг“, каде што престојувал.
Кога пристигнал во Виндзор следниот ден – облечен во облека за шетање кучиња како што било побарано – тој првично бил изненаден затоа што принцот доцни на нивниот состанок. „Знам дека не е точен и брз… и не мислам дека нема да го спомнам тоа“, се насмеал тој.
Но, бил запрепастен кога, неколку минути подоцна, принцот од Велс поминал низ сводот на тротинет на батерии кој го олеснува движењето по камчињата во дворецот.

Откако завршиле формалните претставувања, Јуџин му вели: „Ова не е она што го очекував. Ова е твојот начин на транспорт?“ А Вилијам објаснува: „Овде е се кружно. Се движи доста убаво овде, забавно е.“
Тој му кажува на Јуџин дека додека неговиот татко, кралот Чарлс III, го поминува поголемиот дел од своето време во замокот Виндзор со кралицата Камила, тој и неговата сопруга Кејт не живеат во самиот замок. Н

– Доаѓаме и го користиме замокот за работа и за состаноци и за да се гледаме со луѓе – му вели Вилијам на актерот, кој веќе одлучил да не го споменува доцнењето.
Но, среќен што ги признава своите недостатоци, Вилијам објаснува: „Секогаш доцнам, па мислев дека ова е начинот да ги одржувам моите состаноци на време. Сепак, сè уште редовно доцнам, Јуџин – вели Принцот.
Се испоставило дека тоа конкретно утро – кое било сиво и дождливо и многу „англиско“ – Вилијам имал добра причина да ја остави телевизиската екипа да чека.

– Утрово успеав да си дупнам гума, што е доста забавно. Затоа одев толку бавно по патот – вели Вилијам.

Смешната сцена ќе биде прикажана во Велика Британија како четврта епизода од третата сезона од емисијата на Леви за Apple TV+, во која тој се обидува да ја пополни листата од желби за патувања.

Откако дошол да го посети Лондон, актерот бил воодушевен што бил прошетан низ замокот и неговиот имот, пред да се повлечат во локалниот паб на пиво и повеќе разговор со идниот монарх.

The post 🎥 ПРИНЦОТ ВИЛИЈАМ СЕ ПРОВОЗИ НИЗ ВИНДЗОР СО ЕЛЕКТРИЧЕН ТРОТИНЕТ „Секогаш доцнам, па мислев дека ова е начинот да стасувам на време“ appeared first on plusinfo.mk.

Принцот од Велс во серијата „The Reluctant Traveler“ со актерот Јуџин Леви, води еден од најискрените разговори што некогаш ги споделил јавно и што допира до сржта на она што Принцот од Велс го сака за своето семејство и неговата иднина. Во длабоко лични, емотивни, а понекогаш и хумористични забелешки, Принцот Вилијам отворено зборува за балансирањето на работата и семејниот живот, влијанието на разводот на неговите родители, заштитата на неговата сопруга и децата, за тоа колку му недостасуваат неговите баба и дедо и неговиот пристап кон неговата судбина како монарх, пишува Хелоу.

Споделувајќи ја својата визија за своето време како крал, тој открива: „промената е на мојата агенда“ и гледајќи подалеку кон времето кога Принцот Џорџ ќе дојде на својата позиција, тој вели дека сака да создаде свет во кој неговиот син ќе биде горд на она што го прават.

Престолонаследникот ги споделил своите мисли со холивудската ѕвезда Јуџин Леви, кого го води на приватна тура низ замокот Виндзор, на прошетка со велшкиот црн кокер шпаниел Орла и во пабот „Ту Бруерс“ (Two Brewers ) во Виндзор, во специјална епизода од емисијата на Јуџин на Apple TV+, „The Reluctant Traveler“. Со кригла сајдер, Вилијам вели дека не се буди наутро и не размислува како ќе стане Крал, додавајќи: „За мене, да се биде автентичен, да се биде свој и да се биде искрен, е тоа што ме движи“.

Тој додава: „Ги сфаќам моите улоги и моите одговорности сериозно, но важно е… да не чувствувате дека тие ве поседуваат – мора да ги поседувате вие.“

Во тизер за епизодата, насловена како „Живеејќи го кралскиот живот во Велика Британија“ (Living the Royal Life in the U.K.), наследникот на британскиот престол зборува за отпорноста на неговото семејство, но и за тоа како одеднаш животот може да се промени.

– Имавме голема среќа, долго време немавме никаква сериозна болест во семејството. Моите баба и дедо живееја до своите 90-ти години. Тие беа олицетворение на кондиција, стоицизам и отпорност, ако сакате. Значи, имавме голема среќа како семејство. Но, одеднаш ќе сфатите дека тепихот, метафоричниот тепих, може да се извлече од под нозете доста брзо во секој момент, тоа навистина ве погодува. Можеби ќе помислите: „Нема да ни се случи нам, ќе бидеме добро“. Затоа што сите сакате да бидете позитивни. Но, кога ви се случува вам, ве води низ доста тешки времиња – вели Принцот Вилијам во својот најискрен разговор досега зборувајќи за болеста на својата сопруга Кејт и на својот татко, кралот Чарлс.

Тешка година за кралското семејство

Британското кралско семејство се соочи со тешка година во 2024 година, кога беше објавено дека на кралот Чарлс (76) и принцезата Кетрин (43) им е дијагностициран рак.

Бакингемската палата објави во февруари 2024 година дека кралот има рак, откако бил подложен на третман за бенигно зголемување на простатата (портпаролот појасни дека не станува збор за рак на простата). Лекувањето на кралот и натаму трае.

Во јануари 2024 година, принцезата Кејт била подложена на абдоминална операција, по што следела хемотерапија. Во септември, таа објави дека го завршила лекувањето и дека моментално е во ремисија.

– Би рекол дека 2023-24 беше најтешката година во мојот живот – му рекол Вилијам на Леви додека седеле во еден паб. „Животот нè тестира, а способноста да го надминеме тоа е она што нè прави тоа што сме.“

За минатото и за разводот на неговите родители

Принцот зборувал и за минатото. Тој вели дека се надева „дека нема да се вратиме на некои од практиките од минатото, во кои Хари и јас моравме да растеме“, што се смета дека се однесува на медиумското мешање во неговото детство, нешто што тој јасно става до знаење дека нема да го толерира за своето семејство.

– Растејќи го видов тоа со моите родители. И ако дозволите тоа да се провлече, штетата што може да ја нанесе на вашиот семеен живот е нешто што се заколнав дека никогаш нема да му се случи на моето семејство. И затоа, заземам многу цврст став за тоа каде мислам дека е таа граница и оние кои ја пречекоруваат, знаете дека ќе се борам против нив. За мене, најважното нешто во мојот живот е семејството, а сè е за иднината и за тоа дека ако не започнете со децата со среќен, здрав, стабилен дом, чувствувам дека им поставувате малку тежок период и пад. Мора да ја имате таа топлина, тоа чувство на безбедност, сигурност, љубов. Сето тоа мора да биде присутно, а тоа сигурно беше дел од моето детство. Моите родители се разделија на осум години, па тоа траеше кратко време. Но, го прифаќате тоа и учите од него и се обидувате да се осигурате дека нема да ги направите истите грешки како вашите родители. Мислам дека сите се обидуваме да го правиме тоа и јас само сакам да го правам она што е најдобро за моите деца, но знам дека драмата и стресот кога сте мали навистина влијаат врз вас кога ќе пораснете – му кажува тој на Јуџин.

Се смета дека принцот се осврнал на сопствените сеќавања за распадот на бракот на неговите родители, кој официјално завршил кога имал 14 години.

Семејно време

Вилијам споделува како тој, Кејт и нивните деца седат заедно на оброци.

– Седиме и разговараме, тоа е навистина важно. Ниедно од нашите деца нема телефони, за што сме многу строги – вели тој.

На прашањето што прават наместо тоа, Вилијам вели дека Луис „е опседнат со скокање на трамболина“ и дека тој и Шарлот „завршуваат скокајќи горе-долу на трамболината, тепајќи се еден со друг, поголемиот дел од времето. Очигледно, има уметност во тоа. Шарлот исто така игра нетбол и балет, па затоа е навистина важно да ги држиме зафатени со спорт и престој на отворено. Тие се обидуваат да научат музички инструменти. Не сум сигурен колку сме успешни во тоа. Џорџ го обожава својот фудбал и својот хокеј.“

Заштитувајќи ја својата сопруга

Зборувајќи за закрепнувањето на Кејт од третманот за рак, тој вели: „Работите се добри. Сè напредува на вистински начин, што е добра вест. Но, важно е моето семејство да се чувствува заштитено и да има простор да процесира многу од работите што се случија минатата година, а тоа беше тешко да се обидеме да го направиме тоа и да продолжиме да ја работиме работата. Но, знаете, сите имаме предизвици што ни се појавуваат на патот и важно е да продолжиме.“

Тој вели дека Џорџ, Шарлот и Луис се справиле „брилијантно“, додавајќи: „Се обидуваме да им ја дадеме безбедноста и сигурноста што им се потребни и ние сме многу отворено семејство, па разговараме за работи што нè мачат, но никогаш не знаете какви последици може да има тоа. И затоа, важно е да бидеме тука еден за друг и да ги увериме децата дека сè е во ред.“

The post ЗА БОЛЕСТА НА КЕЈТ И ЧАРЛС, ЗА РАЗВОДОТ НА РОДИТЕЛИТЕ, ЗА ИДНИТЕ ПРОМЕНИ Најискрениот разговор на принцот Вилијам за сѐ во врска со кралското семејство appeared first on plusinfo.mk.

Кралицата Камила денеска накратко се најде во незгодна ситуација додека во замокот Виндзор ги пречекуваше Доналд и Меланија Трамп за време на нивната втора официјална државна посета на Обединетото Кралство.

Во приватната оградена градина на имотот Виндзор, Камила (78) и Меланија (55) стоеле на скалите и разговарале, додека кралот Чарлс и претседателот Трамп биле во близина.

Меѓутоа, кога Меланија ја забележала принцезата од Велс како се приближува, веднаш се свртела кон Кејт за да ја поздрави, нагло прекинувајќи го разговорот со кралицата. Потоа следел разговор помеѓу Меланија и Кејт, додека кралицата Камила останала само да набљудува.

Претходно оваа недела, портпаролот на Трамп изјави дека двојката е „воодушевена што Кејт ќе биде во прв план за време на посетата на Велика Британија“, додавајќи: „Вклучувањето на принцезата Кејт во толку настани за време на државната посета е чест“.

Принцот Вилијам и Кејт претходно го придружувале претседателот и првата дама до Викторија хаус, каде што кралот и кралицата ги чекале своите гости.

Видеото погледнете го ТУКА.

The post 🎥 НЕПРИЈАТЕН МОМЕНТ ВО ВИНДЗОР Меланија ја откачи кралицата Камила штом ја здогледа Кејт appeared first on plusinfo.mk.

Претседателот на САД, Доналд Трамп, и неговата сопруга Меланија допатуваа во официјална посета на Велика Британија, каде, според извори од британското кралско семејство, ќе престојуваат во одвоени апартмани во замокот Виндзор.

Според пишувањето на Дејли мејл, двојката побарала повеќе приватност за време на престојот и дури нарачале постелнина која била донесена од САД. Виндзор, инаку, има повеќе од 1.000 простории – вклучувајќи државни сали, приватни апартмани, капели и канцеларии – па простор нема да им недостига.

Во британската јавност веднаш се појавија шеги за „специјалната соба на Меланија“, но експертот за кралското семејство, Аластер Брус, појасни дека на главните гости во Виндзор најчесто им се доделува апартман со брачен и одвоен кревет, така што би можеле да бидат заедно – доколку сакале.

Шпекулациите за нивната брачна дистанца траат со месеци – Меланија најчесто живее во Њујорк, додека Трамп ја обликува Белата куќа според својата визија. Одвоени спални, сепак, не се ништо ново во британското кралско семејство – кралицата Елизабета Втора и принцот Филип исто така спиеле одвоено, додека кралот Чарлс и кралицата Камила живеат дури и во одвоени резиденции.

Според британските медиуми, тимот на Трамп го прегледал апартманот и одлучил дека кралската постелнина „не е доволно добра“, па испратиле своја. Еден дворјанин иронично прокоментирал дека Трамп „не сакал да ги уништи кралските чаршафи со трагите од неговата крема за самопотемнување“.

Новинарот Мајкл Волф претходно изјави дека Доналд и Меланија „во суштина се разделени“ и живеат одвоени животи, а Белата куќа остро го нападна поради тоа, нарекувајќи го измамник и лажго.

„Њујорк Тајмс“ во мај објави дека Меланија често исчезнува од јавноста со недели, престојувајќи во своите станови во Њујорк или на Флорида, иако официјални лица тврдат дека е почесто во Белата куќа отколку што јавноста мисли.

Церемонијален пречек во Виндзор

Британскиот крал Чарлс Трети и кралицата Камила денеска го пречекаа Трамп пред замокот Виндзор. Американскиот претседател беше пречекан со почесна гарда, а потоа заедно со кралот ги поздрави војниците додека се интонираа химните на САД и Велика Британија.

Потоа, Трамп и Чарлс со сопругите се упатија со кралска кочија кон замокот, каде им беше приреден свечен ручек. Трамп пристигна со хеликоптер од резиденцијата на американскиот амбасадор во Лондон, а на слетувањето го пречекаа принцот и принцезата од Велс, Вилијам и Кејт.

Ова е прва официјална посета на Трамп на Велика Британија во неговиот втор претседателски мандат.

The post 📷 МЕЛАНИЈА НЕ САКАЛА ДА СПИЕ СО ДОНАЛД, БАРАЛА СВОЈА СОБА ВО ВИНДЗОР Брачниот пар од САД си донел и своја постелнина appeared first on plusinfo.mk.