Раст на извозот и на увозот во периодот јануари – септември 2025 година во споредба со периодот јануари – септември 2024 година, пресмета Државниот завод за статистика.

Вкупната вредност на извозот на стоки од земјава, во периодот јануари – септември 2025 година, изнесува 368.279 милиони денари и бележи пораст од 2,09 % во однос на истиот период од претходната година. Вредноста на увезената стока, во периодот јануари – септември 2025 година, изнесува 523.204 милиони денари, што е за 3,59 % повеќе во споредба со истиот период од претходната година.

Во долари вкупниот извоз за периодот јануари- септември годинава спореден со истиот период лани изнесува 6,689 милијарди долари што е раст од 5%. Вредноста на увозот изнесува 9,498 милијарди долари што е зголемување од 6,5 % во однос на истиот период лани. Покриеноста на увозот со извоз изнесува 70,4%

Трговскиот дефицит во овој период изнесува 2,8 милијарди долари.

Трговската размена по производи според Стандардната меѓународна трговска класификација покажува дека во извозот најголемо е учеството на: катализаторите на носачи со благородни метали или нивни соединенија, сетовите на проводници за палење и слично, за возила, авиони или бродови, деловите на седишта од подгрупата 821.1 и други катализатори на носачи.  Во увозот најмногу се застапени: нафтените масла и маслата добиени од битуменозни минерали (освен сурови), другите метали од платинската група и нивни легури, необработени или во облик на прав, платината и легурите на платина, необработени или во прав и други моторни возила за пренос на лица.

Во периодот јануари – септември 2025 година, според вкупниот обем на надворешнотрговската размена, најмногу се тргувало со Германија, Велика Британија, Кина, Грција и Србија, кои учествуваат со 47,7 % во вкупниот обем на размената. Земјите членки на Европската Унија учествуваат со 59,6 % во вкупната размена.

The post РАСТ ОД 5% НА ИЗВОЗОТ ОД ЈАНУАРИ ДО СЕПТЕМВРИ Трговскиот дефицит порасна на 2,8 милијарди долари appeared first on plusinfo.mk.

Првпат по подолго време во првите шест месеци од годинава извозот расте повеќе од увозот, изјави премиерот Христијан Мицкоски.

Тој а изрази и очекување и натаму да се намалува трговскиот дефицит.

– По долго време, во првите шест месеци извозот расте повеќе во однос на увозот. Извозот беше 2,9% зголемен во првите шест месеци споредено со минатата година, а увозот 2,3 или 2,4% во истиот период. Првпат по долго време се случува да се намалува трговскиот дефицит со странство и тоа во услови кога автомобилската индустрија е во таква состојба каква што е, а нашата извозна компонента најмногу отпаѓа на автомобилската индустрија – рече Мицкоски.

Тој очекува и во периодот што следи таквата економска активност да продолжи.

The post ТРГОВСКИОТ ДЕФИЦИТ СЕ НАМАЛУВА Мицкоски очекува и во следниот период извозот да расте, а увозот да опаѓа appeared first on plusinfo.mk.

Трговскиот дефицит на САД достигна рекордни 140,5 милијарди долари во март, што е зголемување од 14% во споредба со февруари, објави денеска Министерството за трговија на САД. Износот е највисок од 1992 година, кога министерството почна да објавува месечни извештаи.

Во однос на првиот квартал од минатата година, дефицитот е зголемен за 92,6%, бидејќи компаниите брзаа да увезуваат стоки во очекување на царините.

Најголем дефицит е забележан во трговијата со Европската Унија кој се зголеми од 30,9 милијарди долари во февруари на 48,3 милијарди долари во март. На второ место е Кина, со која САД регистрираа дефицит од 24,8 милијарди долари, а на трето место е Мексико со 16,8 милијарди долари. Трговскиот дефицит со Канада се намали во март на 4,9 милијарди долари.

На почетокот на април, САД објавија царини од 10% за земјите од целиот свет. Единствено за Кина царините изнесуваат 145%.

Претседателот на САД Доналд Трамп потоа го одложи воведувањето на нови царини за 90 дена, објаснувајќи дека сака да обезбеди доволно време за преговори со трговските партнери.

Главна цел на воведувањето на високи царински стапки, како што беше соопштено од САД, е да се намали дефицитот во надворешната трговија на САД со светот, но во моментов има спротивен ефект. Увозот во САД се зголеми за 4,4% во март во однос на претходниот месец на 419 милијарди долари, додека извозот се зголеми за 0,2% на 278,5 милијарди долари.

САД редовно бележат дефицити во трговијата со стоки со светот, но суфицити во трговијата со услуги. Извозот на услуги се намали за 900 милијарди долари во март на 95,2 милијарди долари во однос на претходниот месец.

The post АМЕРИКА ЗАБЕЛЕЖА РЕКОРДЕН ТРГОВСКИ ДЕФИЦИТ ВО МАРТ Најголем со Европската Унија од 48,3 милијарди долари appeared first on plusinfo.mk.

„Ѝ кажав на Европската унија дека мора да го надополнат својот огромен дефицит со Соединетите Држави со купување на многу од нашата нафта и гас. Во спротивно ќе има ЦАРИНА до крај!!!““, напиша тој на социјалната мрежа „Вистина“.

Европската унија сè уште не изразила јасен план за тоа како да се избегне трговска војна со САД доколку Трамп навистина воведе царини за стоки и услуги кои доаѓаат од блокот, како што се закани.

Во 2022 година, извозот на стока на САД во Европската унија беше проценет на 350,8 милијарди долари, што е зголемување од 28,8 отсто (78,5 милијарди долари) во однос на претходната година. Трговскиот дефицит на стоки на САД со ЕУ изнесуваше 202,5 ​​милијарди долари во 2022 година, што е намалување за 7,3 отсто (15,8 милијарди долари) од 2021 година, според американската влада, пишува Newsweek.

Трамп во предизборниот период најави дека ќе ги зголеми царините за клучните трговски партнери. Тој рече дека Канада и Мексико ќе бидат погодени со царина од 25% за стоки и услуги извезени во САД веднаш штом ќе ја преземе функцијата во јануари. Исто така тој, најави и дека ќе воведе дополнителни 10%о царини за кинеските производи кои влегуваат во САД.

The post ТРАМП Ѝ СЕ ЗАКАНИ НА ЕУ СО ВИСОКИ ЦАРИНИ Унијата ќе мора да купува нафта и гас за да го намали трговскиот дефицит со САД appeared first on plusinfo.mk.

Во истиот период вредноста на увeзената стока, во истиот период, изнесува 8,915 милијарди долари, што е за 0,2 % помалку во споредба со истиот период од претходната година.

Трговскиот дефицит, во периодот јануари – септември 2024 година, изнесува 2,544 милијарди долари.

Покриеноста на увозот со извоз, во периодот јануари – септември 2024 година, изнесува 71.5 %.

Трговската размена по производи покажува дека во извозот најголемо е учеството на катализаторите на носачи со благородни метали или нивни соединенија, сетовите на проводници за палење и слично, за возила, авиони или бродови, деловите на седишта од подгрупата 821.1 и други катализатори на носачи. Во увозот најмногу се застапени нафтените масла и маслата добиени од битуменозни минерали (освен сурови), другите метали од платинската група и нивни легури, необработени или во облик на прав, платината и легурите на платина, необработени или во прав и други моторни возила за превоз на лица.

Во периодот јануари – септември 2024 година, според вкупниот обем на надворешнотрговската размена, Македонија најмногу тргувала со Германија, Велика Британија, Грција, Кина и Србија, но и со овие земји освен со соседна Србија имаме намален извоз.

Извозот со Германија во периодот јануари- септември е намален за 13,4%, со Велика Британија за 22,7%, Грција за 11,4, а со Кина извозот е преполовен односно бележи пад за 51,5%. Единствено со Србија во овој период се бележи раст на извозот од 15, 6%.

Податоците покажуваат и дека македонскиот извоз во  ЕУ е намален за 7,4%, но затоа пак е зголемен со северноамериканската трговска заедница каде што има раст од 60%. Раст од 8%  е забележен и во извозот со Западен Балкан.

На страната на уозот, пак, состојбата е поинаква. Увозот од земјите членки на ЕУ е зголемен за 3,5%, од земјите од ОПЕК увозот е зголемен за 18,9 %, а од Организација за економска соработка на земјите од Азиско-пацифичкиот регион за 5,1%. Намалување на увозот има од Западен Балкан за 3,8%, како и од северноамерикнасата трговска организација од 6,5%.

The post ВЕЌЕ ГИ ЧУВСТВУВАМЕ ПРОБЛЕМИТЕ НА ГЕРМАНСКАТА ЕКОНОМИЈА Забележан е пад од 13,4% на извозот во оваа земја appeared first on plusinfo.mk.

Покриеноста на увозот со извоз, во периодот јануари – август 2023, е 75,4%, а трговскиот дефицит изнесува  1, 796 милијарди евра.

Трговската размена по производи покажува дека во извозот најголемо е учеството на катализаторите на носачи со благородни метали или нивни соединенија, сетовите на проводници за палење и слично, за возила, авиони или бродови, електричната енергија и плоснатоваланите производи од железо или нелегиран челик, неплатинирани или необложени.

Во увозот најмногу се застапени нафтените масла и маслата добиени од битуменозни минерали (освен сурови), другите метали од платинската група и нивни легури, необработени или во облик на прав, платината и легурите на платина, необработени или во прав и благородни метали во колоидна состојба; соединенија, органски или неоргански, од благородни метали, хемиски дефинирани или недефинирани; амалгами од благородни метали.

Во периодот јануари – август 2023 година, според вкупниот обем на надворешнотрговската размена, земјава  најмногу тргувала со Германија, Велика Британија, Грција, Кина и Србија.

The post БЕЛЕЖИМЕ ТРГОВСКИ ДЕФИЦИТ ОД 1,796 МИЛИЈАРДИ ЕВРА Извозот пораснал за 2% appeared first on plusinfo.mk.

Ваквата неповолна состојба во трговската размена со светот, според бизнисмени и експерти, може да се промени само со структурни реформи, кои ќе поддржат производи со висока додадена вредност, односно готови производи, како и со зголемување на палетата производи што ќе се извезуваат. Дополнителни вложувања во науката и во новите технологии што ќе се користат во производството можат да придонесат за намалување на увозната зависност на земјата од одделни производи, посебно кај храната која може да се произведе во количини кои ќе го задоволат домашниот пазар.

Потребни се структурни промени и извоз на производи со додадена вредност

– Македонија има неограничени можности за извоз, бидејќи произведува и извезува мали количини кои не ги загрозат големите извозни земји. Но, оваа предност земјата не ја користи, бидејќи главно извезува суровини, полуфабрикати и производи за брендови, т.н. лон производство во текстилната и во ИТ индустријата, која има најголемо учество во извозот. Дури и во индустриските зони се работи лон – се увезуваат, на пример, готови кабли и овде само се моткаат, не се произведуваат готови производи. Со ваков избор на производи, кои имаат и пониска вредност, не може да се остварат добри извозни резултати, иако може да се рече дека имаме добар извоз. Дополнително, имаме понуда на мала палета производи за извоз, што исто така е лоша страна. Тоа значи дека проблемот на нашата економија е во тоа што има мало и лошо структурирано производство, а лекот е во структурни промени и во понуда на поголема палета производи со додадена вредност – вели Ангел Димитров од Организацијата на работодавачи.

Словенија, на пример, има 3 до 5 пати поголем број производи што ги извезува, кои дополнително се со висока додадена вредност, односно готови производи.

– На пример, не е исто да се извезе готов телевизор и делови за телевизор. Но, интересно е кај нас што покрај нафта, гас и други производи што не можеме да ги произведеме, се увезува и храна што може да се произведе за задоволување на домашниот пазар и за да се извезува. Тука увозот е потребен бидејќи секоја година приносите во земјоделството се намалуваат, а науката како воопшто да не се преименува во овој сектор. Овој увоз и на други производи кои можеме да ги произведеме, сочинуваат добар дел од дефицитот во трговската размена – категоричен е Димитров.

И државата треба да помогне

Експерти велат дека земјава традиционално има трговски дефицит затоа што е увозно зависна, но затоа треба да се подобри извозот за да се сведе тој во нормални рамки и да нема негативно влијание на тековната сметка. Според нив, ако повеќе се увезува за развојни цели, на пример преку увоз на машини за производство и слично, тогаш дефицитот може да се гледа како позитивен. Но, во одделни сегменти тој е неприфатлив, бидејќи овие производи можат да се обезбедат и со зголемено домашно производство.

И во Стопанската комора се на становиште дека за намалување на трговскиот дефицит и за подобрување на извозните перформанси на компаниите се потребни реформи, пронаоѓање нови пазари за пласман на производите и проширување на производите кои можат да се извезат, но и помош од државата која треба да им олесни на компаниите кои извезуваат.

Неодамна Комората направи и посебна  анализа  за идентификување на извозните можности и потенцијали на македонската економија, во која беа опфатени 5.300 постоечки и нови потенцијални извозни производи и над 170 постоечки и нови потенцијални извозни пазари. Анализата главно ги опфаќа компаниите од металопреработувачката, машинска и електро-индустрија, кои се силно извозно ориентирани, а извозот кај нив изнесува 86 отсто од вкупните приходи.

Најголемите извезуваат и увезуваат најмногу

Статистичките податоци кои се конечни за 2020 година, покажуваат и дека повеќе од 50% учество во вредноста на стоковната размена на страната на извозот се концентрирани кај првите 10 компании – извознички, а на страната на увозот тој процент е реализиран во првите 50 компании.

Само лани, најголемите 15 извозници во 2021 година направиле вкупен извоз од 3,74 милијарди евра, што е 54% од вкупниот извоз на државата. Во структурата на извозот најголемо учество имаат компаниите од индустријата (89,8% од вкупниот извоз), следи трговијата и останатите дејности. Овие компании се и најголеми увозници, со учество од 55,8 отсто од вкупниот увоз.

Најголемо учество од 47,6% во вредноста на извозот е реализирано од компаниите кои имаат од 20 или повеќе земји партнери, а на страната од увозот најголемо учество од 66,6% во вредноста е реализирано од компаниите кои имаат 20 или повеќе земји партнери.

Најголемо учество во структурата на извозот имаат претпријатијата што ги извезуваат своите стоки на пазарите на земјите членки на ЕУ, од кои компаниите од индустријата се најбројни и имаат најголема реализирана вредност. Пазарот на земјите членки на ЕУ и на страната на увозот се издвојува како најатрактивен. И овде компаниите од индустријата учествуваат со 52,5 отсто оние од трговијата со 46%.

The post ПА МОРА ЛИ И ТОЛКУ МНОГУ ХРАНА ДА УВЕЗУВАМЕ? Извозот покрива само две третини од увозот, високиот трговски дефицит загрижува appeared first on plusinfo.mk.